As ordes do 31 de xullo de 2001 (DOG nº 175, do 10 de setembro), polas que se convocan bolsas de colaboración en diversas actividades que se están a desenvolver no Museo Pedagóxico de Galicia, prevén na súa base cuarta a concesión de prórrogas ós bolseiros e bolseiras que prestan a súa colaboración nalgún dos proxectos que se están a realizar no museo.
A teor do sinalado na Orde do 11 de febreiro de 1998, sobre «tramitación anticipada de expediente de gasto» o gasto que se proxecta está condicionado á existencia do crédito adecuado e suficiente no proxecto de orzamentos do exercicio do ano 2003.
Na súa virtude e de acordo co establecido na base cuarta das citadas ordes, esta consellería
RESOLVE:
Primeiro.
Concédeselles prórroga para desfrutar da bolsa para a colaboración en diversas actividades que se están a desenvolver no Museo Pedagóxico de Galicia, ata o 31 de decembro de 2003, ás persoas que se relacionan no anexo I á presente orde. Os efectos desta resolución quedan condicionados ata a aprobación do crédito que vai ampara-lo gasto, de conformidade coa orde anteriormente citada, do 2 de febreiro de 1998.
Segundo.
A contía da bolsa durante o período de prórroga é a que se indica no devandito anexo, segundo o establecido na base terceira das citadas ordes.
Terceiro.
Contra esta disposición, que pon fin á vía administrativa, poderase interpoñer recurso potestativo de reposición ante o mesmo órgano que resolveu, no prazo dun mes contado a partir do día seguinte ó da notificación desta resolución, ou directamente o recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ó da notificación desta disposición. En todo caso, non se poderá interpoñer recurso contencioso-administrativo ata que sexa resolto expresamente ou se producise a desestimación presunta do recurso de reposición.
Disposición derradeira
A presente orde entrará en vigor o mesmo día da súa publicación no Diario Oficial de Galicia.
Santiago de Compostela, 31 de decembro de 2002.
Celso Currás Fernández
Conselleiro de Educación e Ordenación
Universitaria
ANEXO I
a) Proxecto: unha bolsa para realización de traballos multimedia e de xestión informática para o Mupega.
Apelidos e nome NIF Euros/mes
Vidal Porto, Elisa Mª 33297424-W 751,27
b) Proxecto: catro bolsas para colaborar no proceso de inventario e catalogación de fondos do Mupega.
Apelidos e nome NIF Euros/mes
Domínguez Román, Belén 34953701-A 901,52
Gallego Fernández, Carmen 35299714-G 901,52
Vilar Álvarez, Manuel 32426302-M 901,52
Vázquez Vila, Daniel 33320750-Y 901,52
c) Proxecto: unha bolsa para colaborar na catalogación de fondos bibliográficos do Mupega.
Apelidos e nome NIF Euros/mes
Novoa García, Carmen 35550421-B 901,52
d) Proxecto: dúas bolsas para traballos de investigación sobre museísmo pedagóxico para o Mupega.
Apelidos e nome NIF Euros/mes
Fernández González, Manuel 35560158-L 901,52
Montero Feijóo, Óscar 34978018-D 901,52