Examinado o expediente instruído para efectos de outorgamento do permiso de actividade para a explotación dun centro de expedición, apreciáronse os seguintes:
a) Feitos.
Primeiro.-Manuel Arnoso Rivas, con DNI nº 32533499, solicitou permiso de actividade para centro de expedición nas instalacións autorizadas como estación depuradora en Rons, Xesteiriña 9, O Grove (Pontevedra).
Segundo.-O dito establecemento, outorgado por Orde do 10-2-1989 (DOG nº 57, do 22 de febreiro), ten unha vixencia ata o 10-4-2006 e número rexistro sanitario 12.05264/PO.
Terceiro.-O interesado achegou a documentación requirida para a tramitación deste tipo de establecementos.
b) Fundamentos de dereito.
Este órgano é competente para resolve-lo expediente de conformidade coa Lei 6/1993, do 11 de maio, de pesca de Galicia (DOG nº 101), co Decreto 193/1997, do 5 de xuño, polo que se determinan as condicións para o outorgamento do permiso de actividade para os establecementos de cultivos mariños e auxiliares situados na zona terrestre (DOG nº 142) e coa Orde do 17 de marzo de 2000, pola que se regula o procedemento para o outorgamento do permiso de actividade para establecementos de cultivos mariños e auxiliares na zona terrestre (DOG nº 67).
Examinadas as disposicións citadas, por proposta de resolución da delegada territorial de Vigo, o artigo 89 da Lei 30/1992, do 26 de novembro, de réxime xurídico das administracións públicas e do proce
demento administrativo común, e demais normas de xeral e pertinente aplicación, esta consellería
RESOLVE:
Outorgarlle a Manuel Arnoso Rivas (DNI número 32533499), permiso de actividade para a posta en funcionamento e explotación, do establecemento auxiliar de cultivos mariños que se indica a continuación, nas instalacións autorizadas como estación depuradora en Rons, Xesteiriña 9, O Grove (Pontevedra):
-Tipo: centro de expedición.
-Nome: Manuel Arnoso Rivas.
-Actividade: envasamento de moluscos.
Baixo as seguintes condicións:
Primeira.-Vixencia.
O permiso de actividade outórgase ata o 10-4-2006, prazo de vixencia do establecemento principal. Poderá prorrogarse por un período máximo de dez anos, logo de petición do interesado presentada dentro dos 60 días anteriores ó vencemento da súa vixencia.
Segunda.-Modificacións.
O establecemento non poderá destinarse a usos distintos dos autorizados. Baixo ningún concepto se poderán modifica-las instalacións sen permiso expreso desta consellería.
Terceira.-Extinción.
O permiso de actividade ó que se refire esta resolución, extinguirase polo incumprimento dalgunha das condicións dela, polos casos previstos no artigo 72, da Lei 6/1993, de pesca de Galicia e no Decreto 193/1997, do 5 de xuño de 2001.
Cuarta.-Licencias doutros organismos competentes na materia.
O outorgamento deste permiso de actividade non exime o seu titular da obtención das licencias, permisos e autorizacións legalmente procedentes.
Quinta.-Impostos.
O titular liquidará na Facenda pública o imposto que grava as concesións e autorizacións (transmisións patrimoniais e actos xurídicos documentados).
Contra esta resolución que esgota a vía administrativa, poderáse interpoñer recurso postestativo de reposición, no prazo dun mes, ante o conselleiro de Pesca e Asuntos Marítimos, ou recurso contencioso-administrativo, ante a xurisdicción contenciosa-administrativa, que se interporá no prazo de dous meses, contados en ámbolos dous casos dende o día seguinte ó da súa publicación, de conformidade co disposto no artigo 116 da Lei 30/1992, do 26 de novembro, modificada por Lei 4/1999, de réxime xurídico das administracións públicas e do procedemento administrativo común e o artigo 46.1º da Lei 29/1998, do 13 de xullo, da xurisdicción contencioso-administrativa.
Santiago de Compostela, 15 de outubro de 2002.
Enrique César López Veiga
Conselleiro de Pesca e Asuntos Marítimos
CONSELLERÍA DE XUSTIZA, INTERIOR E RELACIÓNS
LABORAIS