A Consellería de Educación e Ordenación Universitaria, por Orde do 6 de maio de 2002 (DOG do 21 de maio), convocou premios dentro do marco do impulso á innovación educativa nos niveis non universitarios e do recoñecemento do traballo realizado polo profesorado que, individual ou colectivamente, está a levar adiante prácticas educativas innovadoras.
Segundo o disposto no artigo 6º da devandita orde, o día 4 de novembro de 2002 constituíuse o xurado encargado de avalia-los traballos presentados, procedendo á súa valoración e levantándose na mesma data acta da proposta de concesión de premios, que se elevou ó conselleiro para a súa aprobación e publicación no Diario Oficial de Galicia.
En consecuencia co anteriormente exposto, a Consellería de Educación e Ordenación Universitaria,
DISPÓN:
Primeiro.-Concede-los premios á innovación educativa, convocados pola Orde do 6 de maio de 2002, ós traballos e profesores que se relacionan no anexo á presente orde.
Segundo.-Contra esta resolución, que pon fin á vía administrativa, os interesados poderán interpor recurso potestativo de reposición perante o conselleiro de Educación e Ordenación Universitaria no prazo dun mes, contado a partir do día seguinte ó da súa publicación no Diario Oficial de Galicia, segundo o disposto nos artigos 116 e 117 da Lei 4/1999, de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo, no prazo de dous meses, perante o Tribunal Superior de Xustiza de Galicia.
Disposición derradeira
Esta orde entrará en vigor a partir do día seguinte ó da súa publicación.
Santiago de Compostela, 4 de decembro de 2002.
Celso Currás Fernández
Conselleiro de Educación e Ordenación
Universitaria
ANEXO
Premios á innovación educativa
Modalidade A:
Un primeiro premio de 1.400 euros ó traballo:
Título: Análise iconográfica dos temas do Antigo Testamento: Xudit.
Coord.: Milagros Álvaro Gómez.
Centro: IES Adormideras.
A Coruña.
Tres segundos premios de 1.200 euros ós traballos:
Título: O Segredo
Autor.: X. Xesús Pacoret Balsa.
Centro: CEIP Canosa-Rus (Carballo).
A Coruña.
Título: Óptica xeométrica.
Autor: José Villasuso Gato.
Centro: IES Monelos.
A Coruña.
Título: Turonia 2002.
Coord.: Alfonso Lorenzo Vila.
Centro: CEIP Pedro Caselles Beltrán (Tomiño).
Pontevedra.
Un terceiro premio de 700 euros ó traballo:
Título: Física ESO. O movemento.
Autora: Raquel Vergara Álvarez.
Centro: IES nº 1 (Ponteareas).
Pontevedra.
Modalidade B:
Un primeiro premio de 1.300 euros ó traballo:
Título: Exposición de fotografía matemática: debuxando coa luz o coñecemento.
Autor: Carlos Fernández Rodríguez.
Centro: IES Curtis.
A Coruña.
Tres segundos premios de 1.000 euros ós traballos:
Título: Unidade temática: A primavera.
Coord.: Montserrat Fernández Lorenzo.
Centro: CEIP As Forcadas (Corme).
A Coruña.
Título: Arte na aula de 3 anos.
Autora: María Isabel Abelleira Bardanca.
Centro: CEIP Bispo Guerra Campos (Bertamiráns-Ames).
A Coruña.
Título: Unha viaxe polo noso país: proxecto didáctico de aproximación da realidade xeográfica e histórica de España e Galicia ó alumnado inmigrante para dar respostas ás súas necesidades educativas especiais na área de Ciencias Sociais na ESO.
Autor: Daniel Emilio García Sánchez.
Centro: CPI Vicente Otero Valcárcel (Carral).
A Coruña.
Catro terceiros premios de 500 euros ós traballos:
Título: Para que non se repita.
Coord.: María Purificación Pérez Leirós.
Centro: IES Primeiro de Marzo (Baiona).
Pontevedra.
Título: A memoria recuperada.
Autor: Anxo M. Vieites Salgado.
Centro: IES Terra do Xallas (Santa Comba).
A Coruña.
Título: Educación ambiental: Lixo no IES.
Coord.: Celsa Formoso Martínez.
Centro: IES Elviña.
A Coruña.
Título: As matemáticas no currículo.
Coord.: Manuela Saburido Enríquez.
Centro: IES nº 1 Politécnico (Vigo).
Pontevedra.
