A Consellería de Educación e Ordenación Universitaria, por Orde do 6 de maio de 2002 (DOG do 21 de maio), convocou premios a experiencias e proxectos de promoción de conductas tolerantes ou mellora da convivencia realizados por profesores de centros docentes da Comunidade Autónoma de Galicia sostidos con fondos públicos dentro do marco de impulso á adquisición de hábitos de convivencia democrática e de respecto mútuo co fin de prepara-las persoas para a participación responsable nas distintas actividades e instancias sociais.
Segundo o disposto no artigo 5 da devandita orde, o día 28 de outubro de 2002 constituíuse o xurado encargado de avalia-los traballos presentados, procediendo á súa valoración e levantándose na mesma data acta da proposta de concesión de premios, que se elevou ó conselleiro para a súa aprobación e publicación no Diario Oficial de Galicia.
En consecuencia co anteriormente exposto, a Consellería de Educación e Ordenación Universitaria,
DISPÓN:
Primeiro.-Concede-los premios a experiencias e proxectos de promoción de conductas tolerantes ou mellora da convivencia realizados por profesores de centros docentes da Comunidade Autónoma de Galicia sostidos con fondos públicos, convocados pola Orde do 6 de maio de 2002, ós traballos e profesores que se relacionan no anexo a esta orde.
Segundo.-Contra esta resolución, que pon fin á vía administrativa, os interesados poderán interpor recurso potestativo de reposición perante o conselleiro de Educación e Ordenación Universitaria no prazo dun mes, contado a partir do día seguinte ó da súa publicación no Diario Oficial de Galicia, segundo o disposto nos artigos 116 e 117 da Lei 4/1999, de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo, no prazo de dous meses, perante o Tribunal Superior de Xustiza de Galicia.
Disposición derradeira
A presente orde entrará en vigor a partir do día seguinte ó da súa publicación.
Santiago de Compostela, 4 de decembro de 2002.
Celso Currás Fernández
Conselleiro de Educación e Ordenación
Universitaria
ANEXO
Premios a experiencias e proxectos de promoción de conductas tolerantes ou mellora da convivencia
Dous primeiros premios de 1.800 euros cada un ós traballos:
Título: Intolerancia 0.
Autor: Domingo Lodeiro Cendán.
Centro: CEIP de Cabanas.
Pontevedra.
Título: Programa para favorecer as relacións interpersoais.
Coord.: Amelia García González.
Centro: IES Monelos.
A Coruña.
Tres segundos premios de 1.200 euros cada un ós traballos:
Título: Sexamos máis tolerantes.
Coord.: María Luisa Abad Abad.
Centro: IES Valentín Paz Andrade de Vigo.
Pontevedra.
Título: Exposición solidaria.
Autora: Ana Fernández Chacón.
Centro: CPI Cernadas de Castro-A Silva-Lousame.
A Coruña.
Título: O centro educativo, foro de convivencia.
Coord.: María Xesús Diéguez Rojo.
Centro: IES de Ponte Caldelas.
Pontevedra.
Tres terceiros premios de 600 euros cada un ós traballos:
Título: A arte de respectar ós demais.
Autor: Manuel Verdes Abella.
Centro: CPR-EFA Fonteboa de Coristanco.
A Coruña.
Título: Seis días, seis causas.
Coord.: Juan Carlos Ferro Pozo.
Centro: Centro Galego de Tecnificación Deportiva.
Pontevedra.
Título: Aprender a convivir.
Coord.: Luisa María del Carmen Braña Rey.
Centro: CEIP Javier Sensat de Vigo.
Pontevedra.
