A empresa Hewlett Packard Española, S.A. ofrece a doazón ó Servicio Galego de Saúde do activo que se detalla a continuación, con destino ó Hospital do Meixoeiro:
-Un servidor informático 9000 server, marca H.P. k370, modelo A3663B, cun valor de 11.060,874 A.
Conforme o artigo 17.1º da Lei 3/1985, do 12 de abril, do patrimonio da Comunidade Autónoma, requírese decreto do Consello da Xunta de Galicia para a adquisición de bens a título gratuíto.
En cumprimento do disposto na Lei 3/1985, do 12 de abril, do patrimonio da Comunidade Autónoma, de conformidade coa proposta do conselleiro de Sanidade e presidente do Servicio Galego de Saúde, e logo de deliberación do Consello da Xunta de Galicia na súa reunión do día dezanove de decembro de dous mil dous,
DISPOÑO:
Artigo 1º
Acepta-la doazón do seguinte material:
-Un servidor informático 9000 server, marca H.P. k370, modelo A3663B, cun valor de 11.060,874 A, doado pola empresa Hewlett Packard Española, S.A.
Artigo 2º
O activo acéptase segundo o establecido na normativa en materia patrimonial da Comunidade Autónoma e destinarase ó Hospital do Meixoeiro, de acordo coa vontade do doante.
Disposición derradeira
O Servicio Galego de Saúde, a través do seu órgano competente, levará a cabo os trámites necesarios para a efectividade de canto se dispón neste decreto.
Santiago de Compostela, dezanove de decembro de dous mil dous.
Manuel Fraga Iribarne
Presidente
José María Hernández Cochón
Conselleiro de Sanidade