A entrada en vigor do Decreto 342/2002, do 28 de novembro, polo que se modifica o Decreto 403/2001, do 28 de decembro, polo que se desenvolve a estructura orgánica da Consellería de Emigración e Cooperación Exterior, fai necesaria a modificación da relación de postos de traballo existente, atendendo a criterios de eficacia e co obxecto de mellora-la organización administrativa e a prestación dos servicios.
En consecuencia, por proposta da devandita consellería, consultadas as organizacións sindicais presentes na Mesa Xeral de Negociación da Comunidade Autónoma e a Comisión de Persoal, o Consello da Xunta de Galicia na súa reunión do día dezanove de decembro de dous mil dous adoptou o seguinte
ACORDO:
Primeiro.-Aproba-la relación de postos da Consellería de Emigración e Cooperación Exterior, nos termos que se sinalan no anexo a este acordo.
Segundo.-Ordena-la súa publicación no Diario Oficial de Galicia para efectos da súa entrada en vigor a partir do día seguinte a ela.
Terceiro.-Clasificar como postos de libre designación, de acordo coa motivación que se especifica, os seguintes
Cógigo Denominación Motivación
EM.C03.00.002.15770.001 Subdirector/a xeral de Comunidades Galegas Artigo 6 da orde da Consellería da EM.C03.00.002.15770.006 Serv. Rexistro Comunidades Galegas e Trami. Axudas Presidencia, Relacións Institucionais e Administración Pública EM.C04.00.001.15770.021 Servi. Planif., Seguim. e Avaliación Coop. Exterior do 21 de novembro do 1989 (DOG nº 232, do 4 de decembro). Postos de confianza
Visto o acordo adoptado polo Consello da Xunta de Galicia na súa reunión do día dezanove de decembro de dous mil dous, relativo á modificación da relación de postos de traballo da Consellería de Emigración e Cooperación Exterior, coa finalidade de cumpri-lo dito acordo, dispoño que se publique no Diario Oficial de Galicia como anexo a esta resolución.
Santiago de Compostela, 20 de decembro de 2002.
Jaime Pita Varela
Conselleiro da Presidencia, Relacións Institucionais
e Administración Pública