Eu, María Fernanda Ulloa Rodríguez, secretaria do Xulgado de Primeira Instancia número seis de Ferrol, fago saber que no proceso de execución seguido no dito xulgado con nº 232/2002 por instancia de Agip España, S.A. contra Lubricantes Gallegos Reunidos, S.L. sobre préstamo hipotecario, acordouse sacar a poxa pública por un prezo de vinte días, os bens que co seu prezo de taxación se enumeran a seguir:
Bens que se sacan a poxa a e súa valoración:
Urbana: número un, planta baixa. Baixo destinado a almacén, na casa número 102 B) hoxe 370. Sen dividir, da superficie de sesenta e cinco metros cadrados. Estrema: a fronte, estrada do Val a Cedei
ra; costas, patio anexo a este predio, dereita entrando, corredor de acceso ó patio, e esquerda, portal e oco da escaleira e outra propiedade de Manuel Aneiros. O predio descrito ten unha cota de participación de cincuenta centésimas e ten dereito de luces e vistas sobre o patio do piso. O predio atópase no termo municipal de Ferrol, predio número 38.871, inscrición 3ª; a inscrición 4ª é a correspondente á hipoteca que se executa.
Fixouse como tipo para poxa a suma de 17.000.000 pesetas, equivalente hoxe a 102.172,05 euros.
A poxa terá lugar na sede deste xulgado r/ A Coruña, 55 (Ferrol), o día vintetrés de xaneiro de 2003 ás dez horas.
Condicións da poxa:
1. Os licitadores deberán cumpri-los seguintes requisitos:
1º Idenfiticarse de forma suficiente.
2º Declarar que coñecen as condicións xerais e particulares da poxa.
3º Presentar xustificante de que depositaron, na conta de depósitos e consignacións deste xulgado no BBVA nº 1561, ou de que presentaran aval bancario polo 30 por 100 do valor de taxación dos bens. Cando o licitador realice o depósito con cantidades recibidas en todo ou en parte dun terceiro, farase constar así no xustificante para os efectos do disposto no punto 2 do artigo 6652 da Lei 1/2000, de axuizamento civil.
2. Só o executante poderá facer licitación reservando para si a facultade de lle ceder o remate a un terceiro.
3. Desde o anuncio da poxa ata a súa realización poderanse facer licitacións por escrito en sobre pechado e coas condicións expresadas anteriormente.
4. Cando a mellor oferta sexa igual ou superior ó 70 por 100 da taxación aprobarase o remate a favor do mellor postor. Se fose inferior observarase o previsto no artigo 670 da Lacn.
5. A certificación rexistral está de manifesto na Secretaría deste xulgado.
6. As cargas ou gravames anteriores, se os houber, ó crédito do licitador, continuarán subsistentes, e que polo só feito de participar na poxa o licitador os admite e acepta quedar subrogado na responsabilidade derivada de aqueles, se o remate se lle adxudicase ó seu favor.
7. Este edicto valerá como notificación e citación á entidade executada, no caso de non ser achada no domicilio estipulado na escritura.
Se por forza maior, causas alleas ó xulgado ou por erro se sinalase un domingo ou día de festa e non puidese ter lugar a poxa no día e hora sinalados, entenderase que terá lugar o seguinte día.
Ferrol, vintenove de outubro de dous mil dous.
A secretaria xudicial
Rubricado
CONSELLERÍA DE POLÍTICA TERRITORIAL, OBRAS PÚBLICAS
E VIVENDA