Por Orde do 10 de outubro de 2002 convocouse concurso de traslados específico entre funcionarios docentes do corpo de profesores de ensino secundario, profesores e mestres de taller de artes plásticas e deseño, para cubriren prazas na Escola de Restauración e Bens Culturais de Pontevedra.

Procede agora facer pública a adxudicación provisional de destinos obtidos neste concurso de traslados. Na súa virtude, esta dirección xeral

DISPÓN:

Primeiro.-En virtude desta resolución provisional de concurso de traslados, adxudicarlles destino provisional na Escola de Restauración e Bens Culturais de Pontevedra ós profesores que figuran no anexo desta resolución.

Segundo.-Contra esta resolución provisional cabe reclamación e renuncias no prazo comprendido entre o 2 e o 13 de xaneiro do 2003, ámbolos dous incluídos. Sen embargo, serán admitidas as reclamacións e renuncias presentadas con anterioridade.

Santiago de Compostela, 20 de decembro de 2002.

Severino Somoza Gómez

Director xeral de Persoal

Adxudicación provisional de prazas

da escola de restauración