A Comisión de Goberno, en sesión de vintecinco de novembro de dous mil dous, acordou prestar aprobación definitiva ó proxecto de urbanización da unidade de actuación nº 10 do Plan Xeral de Ordenación Urbana, sito entre as rúas Ernesto Caballero, Ramón Cabanillas e Ángel Amor Ruibal, promovido, mediante iniciativa particular pola entidade mercantil Inversiones Playamar, S.L. e subscrito polos arquitectos sres. Castro e Alonso, con visado colexial do 11-9-2001, así como follas de memoria corrixidas nº 30 e 37 e planos 9-bis, 11-bis e 18 bis e estudio básico de seguridade e saúde da mesma autoría e visado colexial do 21-1-2002, planos 2 bis e 3 bis reformados con visado do 18-3-2002 que anulan e substitúen os seus correlativos do proxecto e anexo ó orzamento (cap. XII Xardinería) tamén da mesma autoría.

O que se fai público para a súa executividade, subliñándose que contra este acto administrativo, que pon fin á vía administrativa, poderase interpoñer ben o recurso potestativo de reposición perante o mesmo órgano que a dictou e no prazo dun mes contado desde o día seguinte ó da súa modificación, consonte co establecido no art. 116.1º da Lei 30/1992, do 26 de novembro, na redacción dada pola Lei 4/1999, ou ben directamente o recurso contencioso administrativo perante o Xulgado Contencioso-Administrativo de Pontevedra no prazo de dous meses, contados a partir do día seguinte ó da súa notificación, conforme o disposto nos artigos 8.1º e 46.1º da Lei 29/1998, do 13 de xullo.

De se interpoñe-lo recurso potestativo de reposición, este deberá ser resolto e notificado no prazo dun mes segundo se establece no artigo 117.2º da citada Lei 30/1992, modificada pola Lei 4/1999, entendéndose desestimado polo transcurso do mencionado prazo sen resolución expresa, de conformidade co establecido no art. 43.2º desta Lei 30/1992, podéndose entón interpoñer recurso contencioso-administrativo dentro do prazo de seis

meses contados desde o día seguinte daquel no que se deba entender presuntamente desestimado o recurso de reposición interposto, conforme o establecido no art. 46.1º e 4º da Lei 29/1998.

Non obstante, tamén se poderá interpoñer calquera outro recurso que os interesados estimen procedentes consonte a dereito.

Pontevedra, 9 de decembro de 2002.

Miguel Fernández Lores

Alcalde

Julio Dapena Outomuro

Secretario xeral