O Consorcio da Promoción da Música, en sesión da Xunta de Goberno que tivo lugar o día 21 de outubro de 2002, adoptou acordo relativo á creación do posto reservado a funcionarios de Administración local con habilitación de caracter nacional, ó amparo do establecido no artigo 6 do Real decreto 1732/1994, do 29 de xullo, propoñendo a súa clasificación en clase 3ª, subescala secretaría-intervención.
Por isto, de conformidade co establecido no artigo 159.1º do Real decreto lexislativo 781/1986, do 18 de abril, e nos artigos 2 e 9 do Real decreto 1732/1994, do 29 de xullo, e no uso das facultades que lle confire o artigo 241 da Lei 5/1997, de Administración local de Galicia, o artigo 13.2º 17 da Lei 4/1998, do 26 de maio, da función pública de Galicia, e da Orde do 29 de maio de 2002, sobre delegación de competencias no director xeral de Administración Local, esta dirección
DISPÓN:
Clasifica-lo posto reservado a funcionarios de Administración local con habilitación de carácter nacional do Consorcio da Promoción da Música, conforme se especifica:
Denominación: secretario-interventor.
Clase: terceira.
Subescala: secretaría-intervención.
O consorcio deberá incluí-lo posto na relación de postos correspondentes e, así mesmo, proceder á modificación dos estatutos en consonancia coa creación da dita praza.
Contra esta resolución, que é definitiva en vía administrativa, poderase interpoñer recurso potestativo de reposición no prazo dun mes, perante a Consellería de Xustiza, Interior e Relacións Laborais, ou recurso contencioso-administrativo no prazo de dous meses, contados a partir do día seguinte ó da súa publicación no Diario Oficial de Galicia, perante a Sala do Contencioso-Administrativo do Tribunal Superior de Xustiza de Galicia, conforme o disposto no artigo 10.1º b) da Lei 29/1998, reguladora da xurisdicción contencioso-administrativa.
Santiago de Compostela, 3 de decembro de 2002.
P.S. (27-9-2002)
Juan José Martín Álvarez
Director xeral de Xustiza
CONSELLERÍA DE FAMILIA E PROMOCIÓN DO EMPREGO,
MULLER E XUVENTUDE