O concello, en sesión plenaria ordinaria do día 27 de novembro de 2002, acorda:
Primeiro.-Aprobar inicialmente os seguintes convenios urbanísticos:
a) Coa Confraría de Pescadores de Caión para o desenvolvemento da actuación urbanística nos terreos do Campo de Fútbol do Campo da Insua, en Caión (A Laracha).
b) Con Provigestión, S.L., para o desenvolvemento dun sector do solo urbanizable de uso residencial en Cancelo do Medio (A Laracha).
c) Con Gallega de Mallas, S.L., para o desenvolvemento do solo urbanizable de uso comercial, no lugar das Gándaras (A Laracha).
d) Con José Angeriz Varela, Francisco Angeriz Varela, María Magdalena Angeriz Varela e José Varela Angeriz, para o desenvolvemento dunha área de reparto nos terreos do campo de fútbol da Sociedade Deportiva de Paiosaco, sitos en Paiosaco (A Laracha).
Segundo.-Suspende-la tramitación do Plan Parcial de Ordenación Polígono Industrial da Laracha, que desenvolve as NN.SS. da Laracha.
Terceiro.-Suspende-la tramitación do Plan Parcial de Ordenación SAU Cancelo do Medio , que desenvolve as NN.SS. da Laracha.
Cuarto.-A validez dos convenios urbanísticos queda condicionada á aprobación do Plan Xeral de Ordenación.
O que se fai público durante un mes, quedando o expediente á disposición de calquera que quira examina-lo e deduci-las alegacións pertinentes.
Lugar de exposición: Secretaría Xeral-1ª planta do concello.
Horario: de 10 a 15 horas.
A Laracha, 28 de novembro de 2002.
José Manuel López Varela
Alcalde
Eduardo J. Figueroa Suárez
Secretario