Aprobación inicial
A Comisión de Goberno, na sesión extraordinaria celebrada o día 28 de novembro de 2002, aprobou inicialmente o estudio de detalle do soar situado entre as rúas Avenida de Galicia e Travesía de Portela, coas seguintes modificacións:
-Deberá presentarse plano parcelario catastral do predio e engadirse ó expediente.
-Nos planos P.07. Ordenación proxectada. Planta baixa e P.08. Ordenación proxectada. Planta primeira e segunda, deberán considerarse só como medianís as pertencentes a edificios principais, eliminando as dos secundarios (adegas, cubertos e alpendres).
-No documento para a aprobación definitiva deberá facerse constancia expresa do cumprimento da Lei 8/1997, de accesibilidade e supresión de barreiras na Comunidade Autónoma de Galicia, e o Decreto 35/2000, polo que se aproba o regulamento que a desenvolve.
As anteriores modificacións deberán plasmarse nun novo documento nun momento posterior, a requirimento desta Administración e con carácter previo ó trámite de aprobación definitiva do estudio de detalle.
O anterior faise público en cumprimento do disposto no artigo 44.3º da Lei 1/1997, do 24 de marzo, do solo de Galicia, para efectos de que durante o prazo dun mes, contado a partir da publicación deste anuncio no DOG poidan formula-las reclamacións e alegacións que se consideren pertinentes.
Suspensión de licencias
Así mesmo, a Comisión de Goberno, na sesión extraordinaria celebrada o día 28 de novembro de 2002, acordou a suspensión de licencias de par
celación de terreos, edificación e demolición para as áreas ou usos determinados no devandito estudio de detalle, o que se fai público en cumprimento do artigo 34 da Lei 1/1997, do 24 de marzo, do solo de Galicia.
De conformidade co artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, por medio deste anuncio e publicación no taboleiro de edictos do concello, notifícase o acordo que nel se contén a tódolos propietarios afectados, respecto ós cales non se puidera practica-la notificación.
Mugardos, 2 de decembro de 2002.
Ramón Toimil Saavedra
Alcalde