A Comisión de Goberno, na sesión extraordinaria celebrada o día 28 de novembro de 2002, aprobou inicialmente o proxecto de urbanización do polígono P-8 do Plan Xeral de Ordenación Municipal, coas seguintes modificacións:
-Deberá corrixi-lo erro tipográfico no plano 2. Planta xeral. Distribución na pendente da rampla seleccionada pola sección AA (consta un 20%) que se contradí co determinado polo 12. Replanteo urbanización onde se determina unha pendente do 16% que é a máxima contemplada polo plan xeral no seu artigo 172.
-Deberá achegar maiores precisións en canto ós bombeos proxectados.
-Deberá achegar maiores precisións con respecto ó cumprimento do Decreto 8/1997, sobre accesibilidade e supresión de barreiras arquitectónicas.
-As anteriores modificacións deberán plasmarse nun novo documento con carácter previo ó trámite de aprobación definitiva do proxecto de urbanización.
O anterior faise público en cumprimento do disposto nos artigos 43.3º e 46 da Lei 1/1997, do 24 de marzo, do solo de Galicia, para os efectos de que durante o prazo dun mes, contado desde a publicación deste anuncio no DOG poidan formula-las reclamacións e alegacións que se consideren pertinentes.
Mugardos, 2 de decembro de 2002.
Ramón Toimil Saavedra
Alcalde