Perante este Xurado Provincial de Clasificación de Montes Veciñais en Man Común, tramítase o expe

diente nº 376, de cualificación do monte que ten as características que se indican a continuación:

Monte: Seixo e Fial de Lamas.

Comunidade: Lugar de Enxilde.

Parroquia: Arcos.

Concello: Mazaricos.

Superficie: 61 ha.

Lindeiros:

Procede do monte Pedregal e Ruña, nº 103-H do C.U.P.

Norte: propiedades particulares de veciños de Enxilde, do piquete 129 ó 141 do deslindamento, seguindo a orde de piquetes. Rego de Reveiratorta, que o separa do monte veciñal de Xián, Furiño, Gándara e Reveiratorta, seguindo o dito rego do piquete 141 ó 15. Leste: monte Ruña de Colúns, seguindo restos de muro, desde o piquete 15 ó 17 seguindo a orde de piquetes. Sur: máis monte Pedregal e Ruña, seguindo unha liña recta que une o piquete 17 co final do muro de Fial de Lamas, no punto Petón Grande. De aquí segue a liña que marca un anaco de muro ata o punto Porreiras de Abaixo, e deste último segue en liña recta ata o piquete 118. Muro que o separa de predios particulares de Enxilde, Cabanude e Curra, do piquete 118 ó 24, seguindo a orde de piquetes, no punto denominado Pedras Pousadeiras. Oeste: propiedades particulares de veciños de Enxilde, desde o piquete 124 ó 129, seguindo a orde de piquetes.

En virtude do acordado polo xurado, e en cumprimento da orde do instructor, do 10 de outubro de 2002, conforme o disposto na Lei de montes veciñais en man común, do 10 de outubro de 1989, e demais disposicións de aplicación, por medio do presente edicto faise pública a iniciación da tramitación do expediente indicado, co obxecto de que, de acordo co previsto no artigo 23 do Regulamento do 23 de setembro de 1992, para a aplicación da citada lei, cantas persoas, organismos ou corporacións resulten interesadas, poidan comparecer e intervir no expediente iniciado e formular perante o xurado, no prazo dun mes, contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean que os asisten en relación co monte, achegando, se é o caso, a documentación que consideren conveniente ó respecto.

A Coruña, 10 de outubro de 2002.

Ana María Díaz López

Secretaria do Xurado Provincial de Clasificación

de Montes Veciñais en Man Común da Coruña

Visto e prace

Alfonso Vázquez-Castro Garma

Instructor