Perante este Xurado Provincial de Clasificación de Montes Veciñais en Man Común, tramítase o expediente nº 377, de cualificación do monte que ten as características que se indican a continuación:

Monte: Da Graña, Da Pedra e San Roque.

Comunidade: parroquia de Larín.

Parroquia: Larín.

Concello: Arteixo.

Superficie: 29,11 ha.

Lindeiros:

Parcela A) Monte Da Graña. Superficie: 16,62 ha.

Norte: predios de Álvaro Ferro, Obdulia Varela, e montes privados dos veciños de Lañas e Larín. Leste: hdros. de Manuel Parada, estrada de Larín a Sta. Leocadia, hdros. de Manuel Parada, e monte Da Graña. Sur: regato que o separa de predios de José Rodríguez, Hércules Club de Golf, e hdros. de Ramón García. Predios de María Cambón, José Rodríguez, Encarnación Pérez e Antonio e Santiago Castro. Estrada de Larín a Sta. Leocadia. Oeste: predios de Ramón Vázquez, José Rodríguez, hdros. de Gumersinda Añón, Jesús García, José Parga, monte de Antonio Castro, José Parga e Hércules Club de Golf.

Parcela B) Monte Da Pedra. Superficie: 7,33 ha.

Norte: predios de Elvira García, Manuel Bugallo, e Melchor Freire e outros. Leste: estrada de Erboedo a Larín. Estrada de Coiro a Larín. Sur: predio de Carmen Zas. Camiño que o separa de predios de Francisco López e Obdulia Varela. Oeste: estrada de Paiosaco a Larín.

Parcela C) Monte San Roque. Superficie: 5,16 ha.

Norte: estrada de Larín ós montes de Lañas. Leste: predio de Gumersinda Canedo, camiño, e predio de Manuel Cambón. Sur: estrada de Larín a Sta. Leocadia. Oeste: estrada de Larín a Sta. Leocadia.

En virtude do acordado polo xurado, e en cumprimento da orde do instructor, do 10 de outubro de 2002, conforme o disposto na Lei de montes veciñais en man común, do 10 de outubro de 1989, e demais disposicións de aplicación, por medio do presente edicto faise pública a iniciación da tramitación do expediente indicado, co obxecto de que, de acordo co previsto no artigo 23 do Regulamento do 23 de setembro de 1992, para a aplicación da citada lei, cantas persoas, organismos ou corporacións resulten interesadas, poidan comparecer e intervir no expediente iniciado e formular perante o xurado, no prazo dun mes, contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean que os asisten en relación co monte, achegando, se é o caso, a documentación que consideren conveniente ó respecto.

A Coruña, 10 de outubro de 2002.

Ana María Díaz López

Secretaria do Xurado Provincial de Clasificación

de Montes Veciñais en Man Común da Coruña

Visto e prace

Alfonso Vázquez-Castro Garma

Instructor