Perante este Xurado Provincial de Clasificación de Montes Veciñais en Man Común, tramítase o expediente nº 375, de cualificación do monte que ten as características que se indican a continuación:
Monte: de Urroa.
Comunidade: lugar de Urroa.
Parroquia: Vimianzo.
Concello: Vimianzo.
Superficie: 20,23 ha.
Lindeiros:
Parcela A) Monte de Urroa. Superficie: 19,63 ha. Situada xunto ó lugar de Urroa.
Norte: muro de pedra que o separa do predio particular Pedra Ventosa. Leste: camiño a Urroa que o separa do predio particular Prado da Vela. Muro de pedra que o separa dos predios particulares Gandariñas e Pedreira. Camiño. Sur: camiño a Casais. Lugar de Urroa. Camiño que o separa do predio particular Cucheiras. Oeste: camiño. Muro de pedra que o separa do predio particular O Cuco. Predios de José Antelo, Francisco Bermúdez, Jesús Mouzo e José Gándara. Camiño e muro de pedra que o separa dos predios particulares A Mina, Pedra da Xesta, Punceira Grande e Milladoiro.
Parcela B) Punceira. Superficie: 0,60 ha. Situada ó oeste da parcela anterior.
Norte, leste, sur e oeste: predios particulares de veciños de Urroa.
En virtude do acordado polo xurado e en cumprimento da orde do instructor, do 10 de outubro de 2002, conforme o disposto na Lei de montes veciñais en man común, do 10 de outubro de 1989 e demais disposicións de aplicación, por medio do presente edicto faise pública a iniciación da tramitación do expediente indicado, co obxecto de que, de acordo co previsto no artigo 23 do Regulamento do 23 de setembro de 1992, para a aplicación da citada lei, cantas persoas, organismos ou corporacións resulten interesadas, poidan comparecer e intervir no expediente iniciado e formular perante o xurado, no prazo dun mes, contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean que os asisten en relación
co monte, achegando, se é o caso, a documentación que consideren conveniente ó respecto.
A Coruña, 10 de outubro de 2002.
Ana María Díaz López
Secretaria do Xurado Provincial de Clasificación
de Montes Veciñais en Man Común da Coruña
Visto e prace
Juan Ramón Beneyto Bellas
Instructor