En cumprimento do disposto no artigo 5, punto 2º, do Decreto 442/1990, do 13 de setembro, de avaliación do impacto ambiental para Galicia (DOG nº 188, do 25 de setembro), e durante o prazo de trinta días hábiles, o órgano ambiental someterá o estudio de impacto ambiental ó trámite de información pública, mediante anuncio no Diario Oficial de Galicia.

Na súa virtude,

RESOLVO:

Primeiro.-Someter a información pública o estudio de impacto ambiental do proxecto de moenda de cemento e ensacado no concello de Ponteareas (Pontevedra).

Segundo.-Para os devanditos efectos informativos, poranse ó dispor dos administrados exemplares nas seguintes dependencias:

-Dirección Xeral de Calidade e Avaliación Ambiental.

-Delegación Provincial da Consellería de Medio Ambiente de Pontevedra.

-Concello de Ponteareas.

-Dirección Xeral de Industria, Enerxía e Minas.

Delegación Provincial da Consellería de Industria e Comercio en Pontevedra.

Terceiro.-As alegacións formularanse durante o prazo de trinta (30) días, contados a partir do seguinte ó da publicación da presente resolución no Diario Oficial de Galicia.

Santiago de Compostela, 28 de novembro de 2002.

José Luis Díez Yáñez

Director xeral de Calidade e Avaliacion Ambiental