De conformidade co disposto no artigo 59.4º da Lei de réxime xurídico das administracións públicas e do procedemento administrativo común, do 26 de novembro de 1992 (BOE do 27 de novembro), notifícaselle á persoa que no anexo se menciona o cambio de instructor do expediente sancionador de referencia, nomeando a Pilar Pita Ponte, á que vostede poderá recusar en calquera momento da tramitación do expediente por algunha das causas previstas no artigo 28.2º da Lei 30/1992, do 26 de novembro, e a proposta de resolución por infracción da Lei 81/1968, do 5 de decembro, sobre incendios forestais e do seu regulamento do 23 de decembro.

O denunciado poderá presentar nun prazo de 15 días, contados a partir do seguinte ó da publicación desta notificación, as alegacións que considere convenientes, participándolle que ten á súa disposición o expediente para examinalo, no Servicio Técnico Xurídico, sito en Benito Corbal, 47, 5ª planta, (Pontevedra). Conforme o establecido no Real decreto 1398/1993, do 4 de agosto (BOE do 9 de agosto).

Pontevedra, 20 de novembro de 2002.

José Antonio López Rodríguez

Delegado provincial de Pontevedra

ANEXO

Expediente: PO-I-02/144.

Denunciado: Baldomero Martínez Rodríguez.

Último enderezo coñecido: Cabaleiro-Campañó de Arriba, 36157 Pontevedra.

Feito denunciado: abandono dun vehículo en zona forestal.

Precepto infrinxido: artigo 137 e) do regulamento á Lei de incendios forestais.

Precepto sancionador: artigo 139 do regulamento á Lei de incendios forestais.

Sanción: 300,51 euros.