A Consellería de Xustiza, Interior e Relacións Laborais, co fin de mellorar e garantir unha axeitada protección dos bens e das persoas e sendo consciente da magnitude e transcendencia dos valores que están en xogo nas situacións de emerxencia, así como das necesidades que se xeran e dos recursos humanos e materiais que é preciso mobilizar, cédelles en propiedade vehículos todoterreo ós concellos e mancomunidades de concellos galegos da Estrada, A Golada, A Guarda, A Gudiña, A Mezquita, A Rúa, Abegondo, Allariz, Arteixo, Barbadás, Becerreá, Betanzos, Boiro, Boqueixón, Bueu, Camariñas, Cangas, Carnota, Cartelle, Chantada, Coles, Esgos, Ferrol, Fisterra, Lalín, Laza, Lobios, Mancomunidade do Navea-Bibei, Mancomunidade do Valmiñor, Mañón, Marín, Melide, Miño, Moaña, Monforte de Lemos, Monterroso, Mos, Muíños, Muxía, Narón,

Negreira de Ramuín, Noia, O Barco de Valdeorras, O Grove, O Saviñao, Ordes, Ourense, Outes, Pereiro de Aguiar, Poio, Pontecesures, Pontevedra, O Porriño, Quiroga, Redondela, Rianxo, Ribeira, Santiago de Compostela, Sanxenxo, Sarria, Taboada, Tui, Verín, Viana do Bolo, Vila de Cruces, Vilagarcía de Arousa, Vilalba, Xove.

Os vehículos que por esta orde se ceden en propiedade, veñen sendo usados polos citados concellos e mancomunidades de concellos para misións de protección civil, en virtude de diversos convenios asinados cos mesmos entre os anos 1992 a 1998 e con fin de transmiti-la titularidade, observarase o establecido nos artigos 31 e seguintes do Regulamento xeral de vehículos (Real decreto 2882/1998) e demais normativa aplicable.

Esta cesión de bens mobles está permitida pola Lei 3/1985, do patrimonio da Comunidade Autónoma, sempre que se dediquen a fins de utilidade pública ou interese social, esixindo o Decreto 50/1989, polo que se aproba o regulamento da citada Lei 3/1985, que a orde de cesión exprese a finalidade concreta á que as entidades beneficiarias deben destina-los bens, así como as súas condicións.

Na súa virtude, e en uso das facultades que teño atribuídas,

DISPOÑO:

Artigo 1º.-Obxecto.

O obxecto da presente orde é acorda-la cesión en propiedade de varios vehículos todo-terreo (determinados no anexo) a favor dos concellos e mancomunidades de concellos galegos da Estrada, A Golada, A Guarda, A Gudiña, A Mezquita, A Rúa, Abegondo, Allariz, Arteixo, Barbadás, Becerreá, Betanzos, Boiro, Boqueixón, Bueu, Camariñas, Cangas, Carnota, Cartelle, Chantada, Coles, Esgos, Ferrol, Fisterra, Lalín, Laza, Lobios, Mancomunidade do Navea-Bibei, Mancomunidade do Valmiñor, Mañón, Marín, Melide, Miño, Moaña, Monforte de Lemos, Monterroso, Mos, Muíños, Muxía, Narón, Negreira de Ramuín, Noia, O Barco de Valdeorras, O Grove, O Saviñao, Ordes, Ourense, Outes, Pereiro de Aguiar, Poio, Pontecesures, Pontevedra, O Porriño, Quiroga, Redondela, Rianxo, Ribeira, Santiago de Compostela, Sanxenxo, Sarria, Taboada, Tui, Verín, Viana do Bolo, Vila de Cruces, Vilagarcía de Arousa, Vilalba, Xove.

Artigo 2º.-Condicións da cesión.

A cesión queda sometida ás seguintes cláusulas:

a) Os bens cedidos destinaranse a fins de protección civil do concello, tal e como esixe o artigo 35 bis da Lei 3/1985, do patrimonio da Comunidade Autónoma, e o artigo 96 bis do Decreto 50/1989, do 9 de marzo, polo que se aproba o seu regulamento.

b) Coa cesión outórgaselle a propiedade do vehículo ó concello, comprometéndose a:

-Realizar ante a Xefatura Provincial de Tráfico os trámites precisos para o cambio da súa titularidade.

-Comunicar, no prazo de tres días, á Consellería de Xustiza, Interior e Relacións Laborais, ter feito o trámite anterior, achegando copia compulsada na que conste o cambio de titularidade.

Artigo 3º.-Formalización da cesión.

A cesión formalizarase mediante acta subscrita polo secretario xeral desta consellería ou funcionario en que delegue e polo órgano competente dos diferentes concellos debendo constar nela o acordo de cesión e a aceptación do cesionario.

Artigo 4º.-Facultades de control, vixilancia e reversión.

1. Se os bens cedidos non se aplicasen ó fin sinalado ou deixasen de estalo con posterioridade, se se descoidasen ou utilizasen con grave quebrantamento, ou se incumprisen as condicións do acordo, considerarase resolta a cesión e os bens reverterán á Comunidade Autónoma, que terá dereito a percibir, logo de taxación pericial, o valor dos detrimentos ou das deterioracións que experimentasen.

2. Á consellería cedente corresponderanlle as facultades de control e vixilancia da cesión, así como, se é o caso, a resolución dos expedientes de reversión.

Disposicións derradeiras

Primeira.-Facúltase o director xeral de Interior e Protección Civil para dictar, no ámbito das súas competencias, as resolucións precisas para o desenvolvemento desta orde, así como para realiza-los trámites necesarios para a súa efectividade.

Segunda.-Esta orde entrará en vigor o día seguinte ó da súa publicación no Diario Oficial de Galicia.

Santiago de Compostela, 8 de novembro de 2002.

Antonio Pillado Montero

Conselleiro de Xustiza, Interior e Relacións

Laborais

ANEXO I

Relación de vehículos todoterreo cedidos en propiedade ós concellos galegos e mancomunidades de concellos galegos para realizar actividades de protección civil.

*Marca e modelo: Nissan Patrol longo, teito alto 4C. TD, 9 prazas.