Por Orde do 5 de xullo de 2002 (DOG do 18 de xullo) e corrección de erros (DOG do 8 de agosto) apróbanse os concertos educativos cos centros docentes privados de educación primaria, educación secundaria obrigatoria, educación especial, programas de garantía social, ciclos formativos de grao medio e ciclos formativos de grao superior.
Tendo en conta que o artigo 46.1º do Real decreto 2377/1985, do 18 de decembro (BOE do 27 de decembro), polo que se aproba o Regulamento de normas básicas sobre concertos educativos establece que: «As variacións que se poidan producir nos centros por alteración do número de unidades ou por outras circunstancias individualizadas, darán lugar á modificación do concerto educativo sempre que tales variacións non afecten ós requisitos que orixinaron a súa aprobación».
Vistos os informes das delegacións provinciais correspondentes e por proposta da Dirección Xeral de Centros e Inspección Educativa.
Esta Consellería de Educación e Ordenación Universitaria,
DISPÓN:
Primeiro.-Modifica-lo concerto educativo cos centros docentes privados que se relacionan no anexo
I, sendo a composición resultante deles a que se indica no anexo II desta.
Segundo.-Esta orde entrará en vigor a partir do día seguinte ó da súa publicación no Diario Oficial de Galicia.
Contra esta disposición, que esgota a vía administrativa, os interesados poderán interpoñer recurso potestativo de reposición perante o conselleiro de Educación e Ordenación Universitaria, no prazo dun mes, a partir do día seguinte ó da súa publicación no Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo, no prazo de dous meses, perante o Tribunal Superior de Xustiza de Galicia.
Santiago de Compostela, 5 de decembro de 2002.
Celso Currás Fernández
Conselleiro de Educación e Ordenación
Universitaria
ANEXO I
Provincia: A Coruña.
Concello: As Pontes de García Rodríguez.
Centro: Nebrija-Pardo Bazán.
Concértanselle 6 unidades de educación primaria e 5 unidades de educación secundaria obrigatoria (2 do 1º ciclo e 3 do 2º ciclo), con efectos económico-administrativos do 1 de setembro de 2002.
Concello: Santiago de Compostela.
Centro: Divino Maestro.
Transfórmase 1 unidade de padroado de educación primaria en 1 unidade privada de educación primaria, con efectos económico-administrativos do 1 de setembro de 2002.
Provincia: Pontevedra.
Concello: Vigo.
Centro: Las Acacias.
Redúceselle 1 unidade do 1º ciclo de educación secundaria obrigatoria e concértaselle 1 unidade máis do 2º ciclo de educación secundaria obrigatoria, con efectos económico-administrativos de 1 de setembro de 2002.
ANEXO II
Provincia: A Coruña.
Nome do centro: Nebruja-Pardo Bazán.
Concello: As Pontes de García Rodríguez.
Primaria: 6.
Padroado:
1º Cl. ESO: 2.
Padroado:
2º Cl. ESO: 3.
Nome do centro: Divino Maestro.
Concello: Santiago de Compostela.
Primaria: 4.
Padroado: 2
1º Cl. ESO: 1.
Padroado: 1
2º Cl. ESO: 2.
Provincia: Pontevedra.
Nome do centro: Las Acacias.
Concello: Vigo.
Primaria: 7.
Padroado:
1º Cl. ESO: 3.
Padroado:
2º Cl. ESO: 4.
