Por Resolución do 30 de agosto de 2002 (DOG do 10 de setembro) resolveuse provisionalmente a convocatoria de axudas económicas para o curso 2002-2003 a unidades que escolaricen alumnos de educación infantil de 4 ou 5 anos en centros docentes privados.

Tendo en conta o establecido nos puntos décimo terceiro e décimo cuarto da Orde do 4 de xullo de 2002 (DOG do 18 de xullo), procede, en consecuencia, resolver definitivamente a devandita convocatoria de axudas económicas, unha vez cumpridos tódolos trámites previstos na dita orde.

Esta consellería, por proposta da Dirección Xeral de Centros e Inspección Educativa,

DISPÓN:

Primeiro.-Conceder axuda económica, para o curso 2002-2003, ós centros docentes privados que se indican no anexo da presente orde para subvenciona-las unidades de educación infantil de 4 e 5 anos que nel se detallan.

Segundo.-O módulo económico que se establece para as mencionadas axudas económicas é o que figura no anexo III da Resolución do 1 de agosto

de 2002 (DOG do 14 de agosto), pola que se ordena a publicación do acordo do 30 de xullo de 2002, do Consello da Xunta de Galicia, polo que se autoriza a sinatura do acordo sobre melloras retributivas, incremento dos equipos docentes, aumento do concepto doutros gastos e importe anual para o ano 2002 dos módulos económicos para o sostemento de centros concertados e subvencionados, sendo a súa contía global de 33.817,40 euros/unidade/ano, sen prexuízo de que a dita contía se vexa incrementada pola correspondente Lei de orzamentos xerais para o ano 2003, así como pola aplicación do disposto na Resolución do 3 de agosto de 2000 (DOG do 25 de agosto), pola que se ordena a publicación do acordo do 21 de xullo de 2000, do Consello da Xunta de Galicia, polo que se autoriza a sinatura do acordo sobre melloras retributivas e incremento de equipos docentes.

Terceiro.-Contra a presente disposición, que esgota a vía administrativa, os interesados poderán interpoñer recurso contencioso-administrativo, no prazo de dous meses, perante o Tribunal Superior de Xustiza de Galicia.

Cuarto.-Esta orde entrará en vigor o día seguinte ó da súa publicación no Diario Oficial de Galicia.

Santiago de Compostela, 5 de decembro de 2002.

Celso Currás Fernández

Conselleiro de Educación e Ordenación Universitaria

ANEXO