Visto o artigo 4.7º do Decreto 442/1990, do 13 de setembro (DOG nº 188, do 25 de setembro), de avaliación de impacto ambiental para Galicia, o presidente de Portos de Galicia

RESOLVE:

Darlle publicidade mediante esta publicación á Resolución do 28 de xuño de 2002, da Dirección Xeral de Calidade e Avaliación Ambiental, pola que se formula a declaración de impacto ambiental da mellora do abrigo na dársena de Porcillán-Ribadeo, no concello de Ribadeo, provincia de Lugo, promovido polo ente público Portos de Galicia.

A devandita declaración refírese ó peche da bocana da citada dársena prolongando o dique N 70 m e o dique S 30 m; a sección transversal das ampliacións componse dunha banqueta de dique de 300 kg, dun manto de dique de 1 t, dun filtro de 50 kg e dun núcleo de todo-un de canteira; a coroación

paviméntase cunha capa de 20 cm de formigón vibrado e un espaldón de formigón á cota +6,75 m. Na ampliación do dique N ademais proxéctase un peirao no lado abrigado de bloques de formigón e superestructura de formigón in situ.

A declaración foi incorporada ó citado expediente e encóntrase ó dispor de calquera interesado nas oficinas centrais de Portos de Galicia durante un prazo de trinta días contados desde a publicación deste anuncio.

Santiago de Compostela, 29 de novembro de 2002.

Emilio García Gallego

Presidente do ente público Portos de Galicia