Cumpridos os trámites previstos na Lei 62/1997, do 26 de decembro, de modificación da Lei 27/1992, de 24 de novembro, de portos do Estado e da mariña mercante, na Lei 22/1998, de costas, no seu regulamento, aprobado por Real decreto 1471/1989, do 1 de decembro, e nas demais normas de procedente aplicación; acordouse en virtude das atribucións delegadas por orde do conselleiro de Política Territorial, Obras Públicas e Vivenda do 29 de xaneiro de 1996, outorgar por resolucións que poñen fin á vía administrativa as seguintes concesións en dominio público portuario, con suxeición ás condicións estipuladas nos pregos de condicións correspondentes.
Resolución: 12-9-2002.
Obxecto: ocupación dunha superficie de dominio público portuario con destino á utilización do antigo edificio de servicios do porto de Ribeira para sede da patrulla fiscal.
Porto: Ribeira.
Adxudicatario: garda civil.
Prazo: 15 anos.
Resolución: 15-10-2002.
Obxecto: construcción dun edificio para sede do club.
Porto: Rianxo.
Adxudicatario: club de piragüismo de Rianxo.
Prazo: 15 anos.
Resolución: 31-10-2002.
Obxecto: cambio de titularidade da concesión administrativa con destino á construcción dunha estación depuradora e centro de expedición de moluscos.
Porto: Tragove (Cambados).
Adxudicatario: Depuradora de Moluscos La Sirena, S.L.
Resolución: 8-11-2002.
Obxecto: cambio de titularidade da concesión administrativa con destino á construcción e explotación de instalacións para a navegación recreativa no porto de Baiona.
Porto: Baiona.
Adxudicatario: Puerto Deportivo de Baiona, S.A.
Resolución: 11-11-2002.
Obxecto: instalacións da nova lonxa para a prestación por xestión indirecta do servicio de lonxa.
Porto: O Barqueiro.
Adxudicatario: confraría de pescadores O Barqueiro-Bares.
Prazo: 5 anos.
Resolución: 15-11-2002.
Obxecto: construcción de nave industrial para garaxe de maquinaria propia e oficina de consignatario.
Porto: Ribadeo.
Adxudicatario: Pertejo, S.L.
Prazo: 15 anos.
Resolución: 19-11-2002.
Obxecto: construcción dun edificio para sede social e oficinas da asociación.
Porto: A Illa de Arousa.
Adxudicatario: Asociación de Mejilloneros Isleños San Esteban-AMI.
Prazo: 15 anos.
Contra os citados actos administrativos que esgotan a vía administrativa, cabe interpor recurso contencioso-administrativo ante o Xulgado do Contencioso-Administrativo de Santiago de Compostela no prazo de dous (2) meses contados a partir do día seguinte ó da publicación da resolución facendo público o outorgamento.
Non obstante, os interesados poderán optar por interpor contra esta resolución recurso de reposición, no prazo dun (1) mes contado a partir do día seguinte ó desta publicación, perante o mesmo órgano que a dictou, de acordo co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999 do 13 de xaneiro.
Santiago de Compostela, 25 de novembro de 2002.
Emilio García Gallego
Presidente do ente público Portos de Galicia