Ana María Carrasco García, secretaria do Xulgado do Social número catro da Coruña, dou fe e certifico que neste xulgado séguense autos número 402/1999, por instancia de Marcos Canosa Buituron contra o Instituto Nacional da Seguridade Social, TGSS, a mutua Fremap e a empresa Valentín Rodríguez Hernández sobre prestacións, nos que recaeu auto de aclaración de sentencia en data 4-11-2002, que copiada nos particulares necesarios di así:

«Fallo que estimando a demanda interposta por Marcos Canosa Buitron contra Instituto Nacional da Seguridade Social, a mutua La Fraternidad, a Tesourería Xeral da Seguridade Social debo declarar e declaro que o demandante se encontra en situación constitutiva de invalidez permanente no grao de total para a súa profesión habitual de camareiro por accidente de traballo, con dereito a pensión vitalicia na contía inicial do 55% da base reguladora de 638 euros (106.154 pesetas) ó mes, 12 veces ó ano, condenando a parte demandada mutua La Fraternidad a aboarlla cos aumentos, melloras, revalorizacións e efectos económicos correspondentes. E ó Instituto Nacional da Seguridade Social e á Tesourería Xeral da Seguridade Social nas súas respectivas responsabilidades. Absólvese a empresa.

Notifíquese esta resolución ás partes facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncia-lo pre

viamente ante este Xulgado do Social, no prazo de cinco días hábiles a partir do día seguinte da súa notificación.

Así, por esta miña sentencia, da que se unirá certificación ós autos orixinais para a súa notificación e cumprimento, xulgado pronuncio, mando e asino».

E para que conste, para efectos da súa publicación no Diario Oficial de Galicia co fin de que sirva de notificación en forma á empresa Valentín Rodríguez Hernández expido e asino esta cédula na Coruña, 4 de novembro de 2002.

A secretaria xudicial

Rubricado