O Consello da Xerencia Municipal de Urbanismo en sesión do 31 de outubro de 2002 acordou entre outros o acordo de aprobar o proxecto de construcción de paso inferior na rúa Travesía de Vigo (N-550) e reordenación das interseccións coas rúas Aragón, Cantabria e Frián (expediente 4376/401), redactado polo enxeñeiro de camiños, canles e portos, Eduardo Fernández Domínguez, por conta da empresa Typsa, ingenieros consultores y arquitectos, presentados pola mercantil Carrefour, quen asumiu a súa execución, ata o seu total importe, a virtude do convenio asinado o día 30 de setembro de 1998 polo alcalde presidente do Concello de Vigo e os representantes das sociedades Centros Comerciales Continente, S.A. e Centro Shopping, S.A., aprobado polo concello pleno de Vigo o 5 de outubro de 1998 e escrito de asución de obriga de sufraga-lo seu total custo, do 28 de outubro de 2002.
Sométese o presente expediente ó trámite de información pública polo prazo dun mes, mediante publicación no DOG e nun dos xornais de maior circulación da provincia e taboleiro de anuncios da Xerencia Municipal de Urbanismo, segundo o establecido no artigo 42.1º. O prazo de exposición pública entenderase aberto desde a primeira publicación ata o remate do mes contado desde o derradeiro anuncio.
A documentación do presente expediente está ó dispor do público en xeral na Oficina de Información Urbanística, na planta baixa da Xerencia.
O presente anuncio servirá de notificación, nos termos establecidos no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, para todas aquelas persoas propietarias ou interesadas directamente afectadas que por resultar
descoñecidas ou por ignora-lo seu domicilio non poidan ser notificados persoalmente.
Vigo, 7 de novembro de 2002.
Lois Pérez Castrillo
Alcalde presidente da Xerencia Municipal de Urbanismo