A Comisión de Goberno do Concello de Fene, na sesión que tivo lugar o día 15 de novembro de 2002, aprobou inicialmente o estudio de detalle da unidade de actuación nº 12 (correspondente a unha parcela

sita na confluencia da avda. do Mar coa rúa Tellerías, en San Valentín), así como a modificación do sistema de actuación previsto no Plan Xeral de Ordenación Urbana polo de compensación.

Acordouse así mesmo a exposición pública dos citados expedientes na secretaría do concello de 9 ás 13 horas, tódolos días laborais, polo prazo dun mes o estudio de detalle, en cumprimento do que dispón o artigo 44.3º da Lei 1/1997, do solo de Galicia, e de vinte días a modificación do sistema de actuación, en cumprimento do que dispón o artigo 121.1º da mesma lei, a través de anuncios no Diario Oficial de Galicia, un dos diarios de maior circulación da provincia e taboleiro de anuncios, que computarán desde a derradeira publicación, prazo no que se poderán presenta-las alegacións que se estimen oportunas.

Fene, 18 de novembro de 2002.

Xosé María Rivera Arnoso

Alcalde