Obxecto do contrato: contratación de asistencia técnica consistente na redacción do proxecto e dirección facultativa superior das obras de reurbanización da zona afecta á reurbanización pola construcción do aparcadeiro subterráneo da praza Roxa.
Tipo de licitación: 89.935,45 euros, IVE incluído.
Prazo de execución: os traballos desenvolveranse en dúas fases; unha primeira denominada de avance, nun prazo máximo de dous meses, e unha segunda fase denominada de definición, nun prazo máximo dun mes.
Forma de adxudicación: concurso por procedemento aberto.
Proposicións: os licitadores poderán presentar proposicións no rexistro xeral do Concello de Santiago de Compostela, entre as 9 e as 14 horas, dentro do prazo de oito días naturais contados desde o día seguinte ó da data da última das publicacións que corresponden facer no DOG e no BOP da Coruña.
Clasificación do contratista: non se esixe.
Información e documentación: Concello de Santiago de Compostela (Sección de Contratación). Teléfono: 981 54 30 33, fax: 981 57 76 27.
Criterios de adxudicación: son os sinalados no artigo 6.2º do prego de cláusulas administrativas.
Garantía provisional: 2% do tipo de licitación: 1.798,71 euros.
Garantía definitiva: 4% do importe de adxudicación.
Apertura de plicas: terá lugar en acto público na casa do concello (secretaría) ás 12 horas, o segundo
día hábil, non sábado, seguinte ó do remate do prazo de presentación de proposicións.
Santiago de Compostela, 12 de novembro de 2002.
José A. Sánchez Bugallo
Alcalde