O Pleno do Concello de Vigo, en sesión do 30 de setembro de 2002 adoptou entre outros o acordo de aprobar definitivamente o Plan especial de protección e reforma interior do conxunto histórico de Bouzas, de iniciativa municipal, redactado pola arquitecta Mª Asunción Leboreiro Amaro (expediente 5826/411), conforme a nova documentación reformada presentada, que incorpora as modificacións derivadas da estimación das anteriores alegacións; as modificacións resultantes dos requirimentos municipais sobre axuste dos aproveitamentos lucrativos do solo urbano non consolidado ó aproveitamento tipo fixado no expediente de modificación puntual do expediente de reparación de deficiencias na adaptación do PXOU de 1988 á LASGA, no ámbito do PERI II-09 Bouzas e a supresión da unidade reparcelable para o solo urbano consolidado, da área de tanteo o retracto para todo o ámbito e da referencia á creación da Oficina de Información, Xestión e Asesoramento; e, igualmente, as correccións, documentación,
planos, xustificacións e rectificacións requiridos polo director xeral de Urbanismo e a Comisión Territorial de Patrimonio Histórico de Pontevedra nos informes preceptivos emitidos no expediente. Documentación reformada constituída polos seguintes documentos: memoria informativa, de xaneiro de 1999; anexo de recollida de información, de xaneiro de 1998, con plano de cuarteiróns de decembro de 2001; planos de información e planos de avance, de xaneiro de 1998; plano de aprobación inicial de xaneiro de 1999; informe de suxestións, de xullo de 1998; informe técnico ás alegacións presentadas no trámite de información pública do expediente, de outubro de 2000; memoria xustificativa, de agosto de 2002; normativa urbanística, de agosto de 2002; fichas de planeamento, de decembro de 2002 e fichas rectificadas das edificacións sinaladas cos números 22 da alameda de Suárez Llanos (páx. 224) e 13 e 19 da rúa Paulino Freire (páxs. 375 e 440), de maio de 2002; orden de prioridades, de decembro de
2001; avaliación económica, de maio
de 2002; planos de proxecto, de decembro de 2001; maio de 2002 (planos número 2-2; 4-2; 5-2; 6-2; 7-2; 8-2; 9-2; 10-2; 10-13; 10-14; 10-17; 10-20; 10-21; 10-24; 10-25; 10-28; 10-29 e 12); e agosto de 2002 (1-2; 3-1; 3-2; 11; 13 e 14).
De conformidade co artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, por medio do presente anuncio, notifícase o acordo que nel se contén a tódolos propietarios afectados descoñecidos, de ignorado enderezo, respecto dos cales non se puido practica-la notificación intentada.
Contra o devandito acordo que ponen fin á vía administrativa poderá interpoñerse o seguinte recurso:
Recurso contencioso-administrativo ante o Tribunal Superior de Xustiza de Galicia, no prazo de dous meses contado desde o día seguinte ó da publicación deste anuncio, de acordo co artigo 8 da Lei 29/1988, do 13 de xullo, reguladora da xurisdicción contencioso-administrativa.
Vigo, 10 de outubro de 2002.
Lois Pérez Castrillo
Alcalde-presidente da Xerencia Municipal de Urbanismo