O Consello da Xerencia Municipal de Urbanismo, en sesión do 19 de setembro de 2002, adoptou, entre outros, o seguinte acordo:
Primeiro.-Desestima-lo recurso de alzada interposto por Manuel García Rodríguez e Mª Mercedes Liste Villar contra o acordo do 4-9-2001 da xunta de compensación da U.E.IV-09 Ramón Nieto 3 de aprobación previa do proxecto de urbanización dese polígono, polos motivos sinalados na parte expositiva deste acordo.
Segundo.-Aprobar inicialmente o proxecto de urbanización da U.E.IV-09 Ramón Nieto 3, redactado pola arquitecta María Asunción Leboreiro Amaro, visado polo COAG nos días 6-3-2002 e 22-4-2002 (expediente 4307/401).
Terceiro.-Abrir un trámite de información pública polo prazo dun mes, mediante publicación de anuncios no DOG e nun xornal dos de maior circulación da provincia, así como notificación individualizada do contido íntegro deste acordo ós recorrentes, xunta de compensación e propietarios incluídos no ámbito do proxecto de urbanización.
Procédese ó trámite de información pública do expediente. O prazo entenderase aberto desde a primeira publicación ata o remate do mes, contado desde o día seguinte da derradeira publicación. O expediente está ó dispor do público no Departamento
de Información Urbanística da Xerencia de Urbanismo (planta baixa do edificio da xerencia).
O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou ignorándose o seu enderezo, non poidan ser notificados.
Vigo, 7 de outubro de 2002.
Lois Pérez Castrillo
Alcalde-presidente da Xerencia Municipal de Urbanismo