A Xerencia de Atención Primaria de Pontevedra-Vigo, en virtude das atribucións que lle foron delegadas pola Orde do 14 de marzo de 2002 da
Consellería de Sanidade, convoca o seguinte concurso público:
Expediente nº: 27/2002 N e 30/2002 S.
1. Obxecto: servicio de retirada, transporte, tratamento e eliminación dos residuos sanitarios xerados nos centros dependentes desta xerencia.
2. Orzamento anual: expediente 27/2002: 36.000 A, expediente 30/2002 S: 40.000 A.
3. Prazo de execución: 1 ano desde a data de entrada en vigor do contrato. Posibilidade de prórroga nos termos previstos no artigo 198 do texto refundido da Lei de contratos das administracións públicas.
4. Fianzas:
a) Provisional: non se esixe.
b) Definitiva: será do 4% do orzamento de adxudicación.
5. Forma de adxudicación: concurso, procedemento aberto e tramitación urxente.
6. Solvencia económica, financeira e técnica: acreditarase segundo os puntos 13 e 14 da portada que integra o prego de cláusulas administrativas particulares que rexen a contratación.
7. Criterios de adxudicación: os establecidos no punto 16 da portada-prego de cláusulas administrativas particulares.
8. Documentación de interese para os licitadores: o prego de cláusulas administrativas particulares e demais documentación complementaria pode ser solicitada na Xerencia de Atención Primaria, rúa México 26-1º andar, 36204 Vigo, teléfono 986 81 64 66, en días hábiles desde as 9 ata as 14 horas.
9. Presentación de proposicións: deberán presentarse en man, en sobres pechados e asinados polo licitador ou persoa que o represente, no rexistro xeral desta Xerencia de Atención Primaria (rúa México, 26-4ª, 36204-Vigo), antes das 14 horas do oitavo día natural contado a partir do seguinte ó da publicación desta resolución no DOG, ou por correo no xeito indicado no punto 5.2 do prego de cláusulas administrativas particulares.
10. Apertura de proposicións: a apertura de proposicións será realizada pola mesa de contratación, reunida en acto público na sala de xuntas da Xerencia de Atención Primaria, rúa de México 26-6ª planta, Vigo, ás 9 horas do sétimo día natural contado desde o seguinte a aquel no que finalice o prazo de presentación das ofertas. No caso de que o dito día coincida en sábado ou festivo a apertura de proposicións terá lugar o primeiro día hábil seguinte.
11. Documentación que deberán achega-los licitadores: a sinalada no punto 5 do prego de cláusulas administrativas particulares.
12. Anuncios: o pagamento do anuncio deste concurso público correrá por conta do adxudicatario del.
Vigo, 8 de novembro de 2002.
Ángel Martín Santos
Director xerente de Atención Primaria
de Pontevedra-Vigo