A Comisión de Goberno, en sesión celebrada o día 27 de setembro de 2002, adoptou o seguinte acordo:
1. Aprobar definitivamente o proxecto de compensación do POL. G9.01 rúa San Vicente presentado por Soacsa Coruña, S.A.
2. Acepta-la cesión da parcela de cesión obrigatoria e incorporala ó Inventario Municipal de Bens, tal e como se describe:
Parcela de 55 metros cadrados de superficie, que linda: norte e oeste, rúa San Vicente; sur, rúa Borrallón e leste, predio S1, resultante deste proxecto de compensación, de Soacsa, S.A. Usos: parcela de titularidade pública destinada a sistema viario.
3. Requirir a Soacsa Coruña, S.A. para que ingrese a cantidade de 23,65 euros en concepto de taxa
que haberá que aboar pola tramitación do proxecto de compensación.
O que se publica para xeral coñecemento, indicando que contra este acordo cabe interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses contados desde o día seguinte ó da súa publicación. Non obstante, pode interpoñerse recurso potestativo de reposición ante a Comisión de Goberno no prazo dun mes e contra a súa desestimación poderá interpoñerse recurso contencioso-administrativo ante o TSXG no prazo de dous meses, se a resolución fose expresa, e noutro caso, no de seis meses, contado desde a desestimación presunta do recurso de reposición, isto é, a partir do mes de telo interposto.
A Coruña, 3 outubro de 2002.
O alcalde
P.D.
Salvador Fernández Moreda