Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos número 217/2002, a instancia de José Luis Díaz Rodríguez e outros contra a empresa Puertas y Complementos Garfer, S.L. sobre salarios, nos que recaeu sentencia en data 10-10-2002 que, copiada nos particulares necesarios di así:

«Decido que, estimando a demanda promovida por José Luis Díaz Rodríguez, Manuel Antonio Reboredo

Fraga, Jesús Gómez Brandariz, Aurelio Bermúdez Lata, Ricardo Liste Becerra, José Souto Mesías e Santiago Mosquera Souto, contra a empresa Puertas y Complementos Gafer, S.L. debo condenar e condeno a demandada a que lles aboe ós demandantes, por tódolos conceptos reclamados en demanda, as cantidades seguintes: a José Luis Díaz Rodríguez, 4.011,69 A; a Manuel Antonio Reboredo Fraga, 3.863,35 A; a Jesús Gómez Brandariz, 4.011,69 A; a Aurelio Bermúdez Lata, 3.939,29 A; a Ricardo Liste Becerra, 3.939,29 A; a José Souto Mesías, 4.011,69 A; e a Santiago Mosquera Souto 3.863,35 A.

Así, por esta miña sentencia, contra a que poderá recorrerse en suplicación perante a Sala do Social do Tribunal Superior de Xustiza de Galicia no prazo de cinco días contados desde o seguinte a da súa notificación, anunciando o propósito de presentalo mediante comparecencia ou por escrito, sendo indispensable que, ó tempo de anuncialo, o recorrente, se é empresario, exhiba diante deste Xulgado do Social o xustificante acreditativo de ter depositado no Banco de Bilbao Vizcaya, oficina principal desta cidade, na conta corrente deste xulgado, número 5605, clave 60, a cantidade obxecto de condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, requisito sen o cal non poderá terse por anunciado o recurso e quedará firme a sentencia. Débense consignar, ademais a cantidad de 25.000 pesetas na mesma conta, clave 65, entregándose o xustificante na secretaría ó tempo de interpoñe-

lo recurso, declarándose este desistido de non constituírse o dito depósito na forma indicada, definitivamente xulgando en primeira instancia, pronúncioo, mándoo e asínoo».

E para que conste, para efectos da súa publicación no Diario Oficial de Galicia co fin de que sirva de notificación e empresa Puertas y Complementos Garfer, S.L., expido e asino esta cédula na Coruña, o 22 de outubro de 2002.

A secretaria xudicial

Rubricado