Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos número 402/1999 bis, por instancia de Marcos Canosa Buiturón contra a mutua La Fraternidad, a empresa Valentín Rodríguez Hernández, o Servicio Galego de Saúde, a Tesourería Xeral da Seguridade Social e o Instituto Nacional da Seguridade Social, sobre prestacións, nos que recaeu sentencia en data que, copiada nos particulares necesarios, di así:

«Decido que, estimando a demanda interposta por Marcos Canosa Buiturón contra o Instituto Nacional da Seguridade Social, a mutua La Fraternidad, a empresa Valentín Rodríguez Hernández, o Servicio Galego de Saúde e a Tesourería Xeral da Seguridade Social, debo declarar e declaro que o demandante se encontra na situación constitutiva de invalidez permanente no grao de total para a súa profesión habitual de camareiro por enfermidade común, con dereito a pensión vitalicia na contía inicial do 55% da base reguladora de 638 euros (106.154 pesetas) ó mes, 14 veces ó ano. Condeno a parte demandada a lla aboar cos aumentos, melloras, revalorizacións e efectos económicos correspondentes.

Notifíqueselles esta resolución ás partes, facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este Xulgado do Social, no prazo de cinco días hábiles a partir do día seguinte ó da súa notificación.

Así, por esta miña sentencia, da que se unirá certificación ós autos orixinais para a súa notificación e cumprimento, xulgando pronúncioo, mándoo e asínoo».

E para que conste, para efectos da súa publicación no Diario Oficial de Galicia, co fin de que sirva de notificación en forma á empresa Valentín Rodríguez Hernández, expido e asino esta cédula na Coruña o 22 de outubro de 2002.

A secretaria xudicial

Rubricado