O tribunal encargado de xulga-lo proceso selectivo para o acceso á categoría 11 (auxiliar de laboratorio) do grupo IV de persoal laboral fixo da Xunta de Galicia, na súa xuntanza do 7 de novembro de 2002,

ACORDOU:

Primeiro.-Facer públicas as puntuacións provisionais da fase de concurso, que serán publicadas nos servicios de información e atención ó cidadán da Xunta de Galicia.

Segundo.-Os aspirantes que non estean de acordo coa puntuación provisional outorgada, poderán formu-las alegacións que consideren pertinentes, no prazo de 10 días hábiles contados a partir do día seguinte ó da publicación deste anuncio no DOG, mediante comunicación a este tribunal, dirixida á Dirección Xeral da Función Pública da Consellería

da Presidencia, Relacións Institucionais e Administración Pública (edificio administrativo San Caetano, Santiago de Compostela).

As alegacións relativas á experiencia profesional deberán ir acompañadas de copia cotexada do contrato ou contratos orixinais e de informe de vida laboral, expedido pola Tesourería Xeral da Seguridade Social, así como de calquera outra documentación que teñan por conveniente.

Santiago de Compostela, 14 de novembro de 2002.

Jaime Bouzada Romero

Presidente do tribunal