Advertido erro na devandita resolución, publicada no DOG nº 219, do 13 de novembro, e no enderezo da Internet http://www.xunta.es/contratación/resultado.asp?N=2016, cómpre face-la seguinte corrección:

Na páxina 15.927, onde di: «Apertura de proposicións: en acto público, nunha das salas de reunións da Consellería da Presidencia, Relacións Institucionais e Administración Pública (soto do edificio central de San Caetano) ás 10 horas do décimo segundo día natural, contado desde o seguinte ó termo do prazo de presentación de proposicións. Se fose sábado ou inhábil, a apertura será o seguinte primeiro día hábil», debe dicir: «Apertura de proposicións: en acto público, nunha das salas de reunións da Consellería da Presidencia, Relacións Institucionais e Administracións Públicas (soto do edificio de San Caetano) ás 10 horas do día 13 de decembro de 2002».

Cómpre engadir ademais o parágrafo que di: «Garantía definitiva: 24.184,20 euros».