A Orde do 19 de agosto do 2002 (DOG do 3 de setembro), aprobou as bases que rexerían a concesión dun proxecto de investigación sobre a mellora da producción en criadeiros de moluscos mediante a utilización de bacterias mariñas probióticas.
Na súa virtude, atendendo a proposta elaborada pola comisión de selección prevista no artigo 3 da dita orde, esta consellería,
RESOLVE:
Primeiro.-Concede-la axuda para a realización do proxecto mellora da producción en criadeiros de
moluscos mediante a utilización de bacterias mariñas probióticas, código PGIDIT02RMAAE1, os investigadores que a continuación se relacionan polos importes que se indican:
* Subproxecto 1:
Investigador responsable: Juan Luis Barja Pérez.
Organismo: Universidade de Santiago de Compostela.
Anualidade 2002: 22.275.
Anualidade 2003: 16.500.
Anualidade 2004: 8.250.
Subproxecto 2:
Investigador responsable: Dorotea Martínez Patiño.
Organismo: Centro de Investigacións Mariñas (Vilanova de Arousa).
Anualidade 2002: 12.650.
Anualidade 2003: 3.300.
Anualidade 2004: 2.420.
Segundo.-Contra esta resolución poderase interpoñer potestativamente recurso de reposición perante o mesmo órgano nun prazo dun mes contado a partir do día seguinte ó da publicación desta resolución no Diario Oficial de Galicia. De non estima-la interposición deste recurso, poderase interpoñer recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, nun prazo de dous meses contado a partir do día seguinte ó da publicación desta resolución no Diario Oficial de Galicia.
Disposición derradeira
Esta resolución entrará en vigor o día seguinte ó da súa publicación no Diario Oficial de Galicia.
Santiago de Compostela, 6 de novembro de 2002.
P.D. (Orde 19-8-2002, DOG do 3 de setembro)
Miguel Ángel Ríos Fernández
Secretario xeral de Investigación e
Desenvolvemento