Visto o expediente na revisión salarial do convenio colectivo do sector de confeiterías, pastelerías, masas fritidas, bolos e xeados artesáns, que tivo entrada nesta delegación provincial o día 26-9-2002, subscrito en representación da parte económica pola Asociación Provincial de Empresarios de Confiterías, Pastelerías y Repostería de A Coruña, e da parte social por UGT e CC.OO. o día 2-9-2002, de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo, e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial

ACORDA:

Primeiro.-Ordena-lo depósito do citado acordo no Servicio de Relacións Laborais, Sección de Mediación, Arbitraxe e Conciliación.

Segundo.-Dispoñe-la súa publicación no Diario Oficial de Galicia.

A Coruña, 2 de outubro de 2002.

Mª Reyes Carabel Pedreira

Delegada provincial da Coruña

Acta de reunión da comisión paritaria do convenio de confeiterías, pastelerías, masas fritidas, bolos e xelados artesáns da provincia da Coruña (2-9-2002).

Asistentes:

Parte empresarial: Manuel Iglesias García, Ángel Luis Ferro Mejuto (Asociación Provincial de Empresarios de Confiterías, Pastelerías y Repostería de A Coruña), Marina Graña Bermúdez (asesora xurídico-laboral CEC).

Parte sindical: Amador Blanco (UGT), José Ramón Grela (CC.OO.).

Na Coruña, sendo as 17 horas do día 2 de setembro de 2002, nos locais da Confederación de Empresarios da Coruña (praza Luís Seoane, torre 1, entreplanta), reúnense as persoas arriba indicadas co obxecto de levar a cabo a aplicación da cláusula de revisión salarial do convenio colectivo de confeiterías, para o ano 2001.

Segundo o establecido no artigo 5 do convenio colectivo, e por ter excedido o IPC real no 31-12-2001 (2,7%) o IPC previsto (2%), procédese a levar a cabo a revisión das táboas salariais do ano 2001, da seguinte forma: sobre as táboas salariais do ano 2000 calcúlase o 3,2% de incremento, e, así mesmo, procédese a converter tales contías en euros.

Acórdase, así mesmo, reflecti-las táboas resultantes, tanto en pesetas como en euros.

Por último, facúltase a Marina Graña Bermúdez (asesora xurídico-laboral da CEC) para a realización dos trámites oportunos ante a delegación da Consellería de Xustiza, Interior e Relacións Laborais para o rexistro e publicación da presente acta e as táboas salariais.

Sen máis asuntos que tratar dáse por rematada a reunión, sendo as 17.40 horas da data arriba indicada.

Táboas salariais convenio colectivo confeiterías

Ano 2001 (con revisión 0,7%)