A orde da Consellería da Presidencia, Relacións Institucionais e Administración Pública do 12 de xullo de 2002 (DOG do 23 de xullo), convoca o Premio Galicia á Innovación Empresarial, correspondente ós Premios Galicia de Investigación 2002.
Na base quinta do artigo 1º da devandita orde establécese a composición do xurado, que seleccionará os candidatos. Na súa virtude, e de acordo coas propostas das institucións correspondentes, cómpre
proceder ó nomeamento dos membros do xurado. Polo que antecede, esta consellería
DISPÓN:
Artigo único.-Nomear membros do xurado do Premio Galicia á Innovación Empresarial, correspondentes ós Premios Galicia de Investigación 2002, as persoas que a seguir se relacionan:
Presidente: Miguel Ángel Ríos Fernández, secretario xeral de Investigación de Desenvolvemento.
Vocais:
-Manuel Balseiro González, proposto pola Fundación Empresa-Universidade Galega.
-Antonio Fontenla Ramil, proposto pola Confederación de Empresarios de Galicia.
-Norberto Penedo Rey, proposto polo Igape.
-Alberto Tizón Martín, proposto pola Consellería de Industria e Comercio.
Secretario: Benito R. Fernández Rodríguez, subdirector xeral de Xestión da Secretaría Xeral de Investigación e Desenvolvemento que actuará con voz pero sen voto.
Santiago de Compostela, 28 de outubro de 2002.
Jaime Pita Varela
Conselleiro da Presidencia, Relacións Institucionais
e Administración Pública