O Consello da Xerencia Municipal de Urbanismo, en sesión do 5 de setembro de 2002, adoptou, entre outros, o seguinte acordo:

«Primeiro.-Aprobar inicialmente, coas finalidades sinaladas na parte expositiva do presente acordo, a delimitación dun polígono de 3.103,30 m de superficie, na avda. do Aeroporto e rúa Mestre Soutullo, integrado por tres parcelas de 2.703,30, 200 e 200 m de superficie, propiedade, respectivamente, de Darío Fernández Domínguez e outros, Ricardo Cendón Domínguez e José Pérez Barcia, cos lindeiros e configuración que a continuación se expresan, reflectidas nos planos que figuran no expediente:

-Norte: avenida do Aeroporto.

-Sur: propiedades privadas.

-Leste: propiedades privadas.

-Oeste: rúa Mestre Soutullo.

Segundo.-Aprobar inicialmente a determinación do sistema de compensación como sistema de actuación no polígono a delimitar.

Terceiro.-Sométase o expediente a información pública na forma legalmente prevista, xustificada que sexa a condición de propietarios dos que figuran como tales no expediente».

De conformidade co disposto nos artigos 133.8º e 102.4º da Lei 1/1997, do 24 de marzo, do solo de Galicia (LSG), procede somete-lo expediente ó trámite de información pública polo prazo de vinte días hábiles, mediante publicación de anuncio no Diario Oficial de Galicia e notificación individualizada ós directamente interesados, na forma prevista nos artigos 58 e 59 da Lei 30/1992, do 26 de novembro, de réxime xurídico das administracións públicas e do procedemento administrativo común, para que se presenten cantas alegacións ou documentos se estimen convenientes.

O expediente atópase á disposición do público en xeral na oficina de información da Xerencia Municipal de Urbanismo (planta baixa do edificio da xerencia).

Vigo, 11 de setembro de 2002.

Lois Pérez Castrillo

Alcalde-presidente da Xerencia Municipal

de Urbanismo