No BOP da Coruña, do 6 de febreiro de 2002, publícase a oferta de emprego público deste concello para o ano 2001 e as bases xerais da convocatoria de prazas e no mesmo boletín oficial do 19 de xuño de 2002 a oferta de emprego deste concello para o ano 2002. Así mesmo, no BOP da Coruña do 2 de setembro de 2002 (corrección de erros publicada o 26 de setembro) publícanse as bases específicas da convocatoria para a provisión en propiedade de tódalas prazas incluídas nas citadas ofertas, que se relacionan a seguir:
Persoal funcionario de carreira
a) Ingreso:
-Tres prazas de administrativo/a. Grupo C. Concurso-oposición.
-Cinco prazas de auxiliar administrativo/a. Grupo D. Oposición libre.
-Unha praza de técnico/a superior en prevención de riscos laborais. Grupo A. Oposición libre.
-Unha praza de técnico/a de xestión tributaria. Grupo B. Oposición libre.
-Unha praza de técnico/a de xestión catastral. Grupo B. Oposición libre.
-Dúas prazas de técnico/a auxiliar en informática. Grupo C. Oposición libre.
-Vintetrés prazas de bombeiro/a conductor/a. Grupo D. Oposición libre.
-Doce prazas de garda da policía local. Grupo D. Oposición libre.
b) Promoción interna:
-Once prazas de administrativo/a. Grupo C. Concurso-oposición.
-Unha praza de músico. Grupo B. Concurso-oposición.
-Unha praza de técnico/a auxiliar en prevención de riscos laborais. Grupo C. Concurso-oposición.
-Dúas prazas de auxiliar de inspección de sanidade e medio ambiente. Grupo D. Concurso-oposición.
-Dúas prazas de cabo da policía local. Grupo D. Concurso.
Persoal laboral
-Unha praza de ATS-DUE. Nivel de titulación: diplomado/a universitario/a. Concurso-oposición.
-Unha praza de director/a de tempo libre. Nivel de titulación bacharelato superior, formación profesional de 2º grao ou equivalente. Concurso-oposición.
O prazo de presentación de solicitudes será o de vinte días naturais, contados desde o seguinte ó da publicación do correspondente anuncio no Boletín Oficial del Estado.
Os sucesivos anuncios relacionados coa convocatoria publicaranse no BOP da Coruña e no taboleiro de anuncios do Concello de Santiago de Compostela.
Santiago de Compostela, 27 de setembro de 2002.
Xosé A. Sánchez Bugallo
Alcalde