De conformidade co disposto no artigo 59.4º da Lei 30/1992, do 26 de novembro, (BOE nº 285, do 27 de novembro), modificada pola Lei 4/1999, do 13 de xaneiro (BOE nº 112, do 14 de xaneiro), de réxime xurídico das administracións públicas e do procedemento administrativo común, notifícase

lles ós denunciados, cos datos persoais e último domicilio coñecido que se sinalarán a seguir, mediante a publicación no Diario Oficial de Galicia, os acordos de iniciación dos expedientes administrativos sancionadores que se citan, por presunta infracción da Lei 27/1992, do 24 de novembro (BOE nº 283, do 25 de novembro), de portos do Estado e da mariña mercante, en relación co artigo 17 do Regulamento de servicio e policía dos portos aprobado por O.M. do 12 de xuño de 1976, por non ser posible a notificación a través do servicio de correos.

Desígnase instructor do expediente a Jesús Javier Fernández Barro, xefe da unidade III da Área de Explotación e Planificación, con domicilio para estes efectos na praza de Europa, 5 A-6º, polígono das Fontiñas, 15707 Santiago de Compostela, sendo o seu réxime de recusación o consignado nos artigos 28 e 29 da Lei 30/1992, do 26 de novembro (BOE do 27 de novembro), de réxime xurídico das administracións públicas e procedemento administrativo común (en diante LRXPAC).

Para os efectos previstos na Lei de réxime xurídico das administracións públicas e do procedemento administrativo común, os expedientados disporán dun prazo de quince (15) días hábiles, contados a partir do seguinte ó da publicación desta notificación no Diario Oficial de Galicia, para que poidan examina-los expedientes nos servicios centrais de Portos de Galicia; praza de Europa, 5ª-6º, polígono das Fontiñas, 15707 Santiago de Compostela, e achegar por escrito cantas alegacións, documentos, informacións ou propostas coiden convenientes e, de se-lo caso, propoñer probas, concretando os medios de que intenten valerse, segundo o establecido no Regulamento para o exercicio da potestade sancionadora, aprobado polo Real decreto 1398/1993, do 4 de agosto (BOE nº 189, do 9 de agosto).

O órgano competente para a resolución do expediente por razón da tipificación e contía da sanción, de acordo co artigo 39 do Regulamento do ente público Portos de Galicia (Decreto 227/1995, do 20 de xullo-DOG nº 228, do 28 de novembro) e, en virtude do disposto na resolución da presidencia de Portos de Galicia, do 15 de febreiro do 2002, pola que, en aplicación do artigo 17.2º da Lei 30/1992, do 26 de novembro, de réxime xurídico das administracións públicas e do procedemento administrativo común, se designa un técnico do ente público Portos de Galicia para o exercicio das competencias sancionadoras que ten o director, posto actualmente vacante, é a xefa da Área de Explotación e Planificación.

O pagamento voluntario ou o recoñecemento voluntario da responsabilidade en calquera momento anterior á resolución porán fin ó expediente. O importe da sanción que en cada caso corresponda farase efectivo na conta número 0049-6755-64-2116034531 do Banco Santander-Central Hispano, empregando o modelo de impreso que se facilitará nos servicios centrais de Portos de Galicia e presentándoo en calquera entidade bancaria.

De non efectuarse alegacións no prazo antes mencionado, este acordo será considerado proposta de resolución.

E para que conste e lles sirva de notificación, e en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, expido, asino e selo esta cédula en Santiago de Compostela, 11 de outubro de 2002.

Ana Isabel Calzadilla Bouzón

Xefa da Área de Explotación e Planificación

ANEXO