En data do 10 de xuño de 2002, o representante da entidade mercantil Metrovacesa de Viviendas, S.L. presentou no rexistro xeral da Xerencia Municipal de Urbanismo solicitude de tramitación e aprobación do proxecto de compensación, dentro do núcleo 01-11-B de Alcabre nunha área de solo urbanizable programado denominada B SUP PP 1 Finca Solita. Achegou para o efecto memoria e planos, asinados polos arquitectos Castro y Alonso C.B. e Arturo Dapena Barros, que foron completados con nova documentación presentada nos días 19 de xullo, 12 de setembro e 2 de outubro de 2002.
De conformidade co establecido no artigo 133.8º, en relación co 102.4º da Lei 1/1997, do 24 de marzo, do solo de Galicia, sométese o devandito proxecto a exposición pública polo prazo de vinte días desde a publicación deste anuncio no Diario Oficial de Galicia para que se presenten cantas alegacións ou documentos se consideren por convenientes.
O expediente atópase á disposición do público na Oficina de Información da Xerencia Municipal de Urbanismo (planta baixa do edificio da xerencia).
Vigo, 11 de outubro de 2002.
Lois Pérez Castrillo
Alcalde-presidente da Xerencia Municipal
de Urbanismo