Vista a acta da reunión da comisión paritaria do convenio colectivo para o sector de derivados do
cemento, con nº de código 3600505, que tivo entrada nesta delegación provicial o día 17-9-2002, subscrita en data 11-7-2002, que entre outros temas, no tocante ó calendario laboral é do seguinte teor literal: «En relación á segunda consulta (art. 11º Xornada de traballo e art. 12º Distribución da xornada), acórdase elaborar con carácter urxente o calendario para este ano 2002, que afecta o ámbito provincial do convenio, calendario que no seu momento non se publicou». De conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Gali
cia, en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo, existente nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Vigo, 3 de outubro de 2002.
Antonio Coello Bufill
Delegado provincial de Pontevedra