O Ministerio de Traballo e Asuntos Sociais, con data do 4 de xuño de 2002, autorizou a Tesourería Xeral da Seguridade Social para allea-lo inmoble que a continuación se detalla:
Urbana: local comercial situado na planta baixa, entrando á esquerda, do edificio sinalado co número catorce da avenida de Ramón Ferreiro, da cidade de Lugo, ocupa unha superficie de douscentos cincuenta metros e cincuenta decímetros cadrados.
Tipo mínimo de licitación: 526.937,36 euros.
Prego de condicións: os pregos de condicións poderanse retirar na Dirección Provincial da Tesourería Xeral da Seguridade Social de Lugo, praza de Ferrol, 11, 5ª planta, de Lugo.
Data e lugar da poxa: a poxa dará comezo ás once horas do día vinteoito de novembro de dous mil dous, na primeira planta da citada dirección provincial.
Lugo, 26 de setembro de 2002.
Mª José Castro Rebolo
Directora provincial da Tesourería Xeral
da Seguridade Social de Lugo