Obxecto do contrato: é a venda, mediante poxa aberta, dunha parcela edificable, propiedade deste concello, de 150 m, na rúa Ramón López Piñeiro (PERI da Escardia).

Tipo de licitación: fíxase en 65.531,96 euros. A mellora realizarase á alza, con respecto ó tipo de licitación.

Fianza provisional: fíxase en 1.310,64 euros.

Proposicións: presentaranse no Departamento de Contratación do concello, conforme o modelo que consta no prego de cláusulas administrativas particulares e xunto coa documentación prevista na cláusula VII do mesmo prego, das 9.30 ás 13.30 horas, durante o prazo de 26 días hábiles, contados a partir do seguinte ó da publicación do último dos anuncios de licitación no BOP ou DOG.

Apertura de plicas: na Casa do Concello, ás 12 horas do 5º día hábil seguinte ó do remate do prazo de presentación de propostas.

Exposición do expediente: no Departamento de Contratación do concello, en días laborables, das 9.30 ás 13.30 horas, agás o sábado.

Vilagarcía de Arousa, 23 de setembro de 2002.

Joaquín Javier Gago López

Alcalde