A proposta de modificación da relación de postos de traballo da Consellería de Cultura, Comunicación Social e Turismo xustifícase por unha banda na necesidade de adaptala á nova estructura orgánica aprobada polo Decreto 72/2002, do 7 de marzo e por outra, dar cumprimento á sentencia da Sala do Social do Tribunal Superior de Xustiza (polo que respecta á reclasificación de postos de ordenanza da Biblioteca de Ourense en auxiliares de arquivos e bibliotecas) e finalmente, polas propias necesidades funcionais da consellería.
En consecuencia, por proposta da devandita consellería, consultadas as organizacións sindicais presentes na Mesa Xeral de Negociación da Comunidade Autónoma e a Comisión de Persoal, o Consello da Xunta de Galicia na súa reunión do de dez de outubro de dous mil dous, adoptou o seguinte
ACORDO:
Primeiro.-Modifica-la vixente relación de postos de traballo da Consellería de Cultura, Comunicación
Social e Turismo, nos termos que se sinalan no anexo ó presente acordo.
Segundo.-Ordena-la súa publicación no Diario Oficial de Galicia para efectos da súa entrada en vigor a partir do día seguinte a ela.
Terceiro.-Clasificar como posto de libre designación, de acordo coa motivación que se especifica, o seguinte:
Código Denominación Motivación
CU.C03.00.001.15770.055 Servicio Rexist. Propiedade Intelectual de Galicia Artigo 6 da orde da Consellería da Presidencia e Administración Pública do 21 de novembro do 1989 (DOG nº 232, do 4 de decembro). Postos de confianza
Visto o acordo adoptado polo Consello da Xunta de Galicia na súa reunión do dez de outubro de dous mil dous, relativo á modificación da relación de postos de traballo da Consellería de Cultura, Comunicación Social e Turismo, coa finalidade de cumpri-lo dito acordo, dispoño que se publique no Diario Oficial de Galicia como anexo a esta resolución.
Santiago de Compostela, 11 de outubro de 2002.
Jaime Pita Varela
Conselleiro da Presidencia, Relacións Institucionais
e Administración Pública