O Consello da Xerencia Municipal de Urbanismo, en sesión do 12 de setembro de 2002, adoptou, entre outros, o seguinte acordo:

Aprobar definitivamente o proxecto de urbanización da rúa Pinal de Adentro, presentado pola sociedade Gestiones e Inversiones Inmobiliarias, S.L., redactado polo enxeñeiro de camiños Alberto Moreno García, con visado colexial do 19 de decembro de 2001, así como a relación individualizada que segue de bens e dereitos afectados pola execución desta vía.

Contra o devandito acordo, que pon fin á vía administrativa, poderá interpoñerse un dos seguintes recursos:

a) Recurso potestativo de reposición ante o Consello da Xerencia do Concello de Vigo, no prazo dun mes contado a partir do día seguinte ó de publicación deste anuncio.

b) Recurso contencioso-administrativo ante o Tribunal Superior de Xustiza de Galicia, no prazo de dous meses contado a partir do día seguinte ó de publicación deste anuncio, de acordo co artigo 8 da Lei 29/1988, do 13 de xullo, reguladora da xurisdicción contencioso-administrativa.

De conformidade co artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, por medio deste anuncio, e publicación no taboleiro de edictos do concello, notifícase o acordo que nel se contén a tódolos propietarios afectados descoñecidos, de ignorado enderezo, respecto dos cales non se puido practica-la notificación intentada.

Vigo, 20 de setembro de 2002.

Lois Pérez Castrillo

Alcalde-presidente da Xerencia Municipal

de Urbanismo

Marxe dereita.

Marxe esquerda.