De acordo co disposto na disposición adicional novena do Real decreto 1098/2001, do 12 de outubro, e artigo 123.1º do Real decreto lexislativo 781/1986, do 18 de abril, anúnciase o concurso, con procedemento aberto e tramitación urxente, da obra de execución de gardería infantil en Bembibre, conforme o prego de cláusulas administrativas aprobado pola Comisión de Goberno na sesión do día 3 de outubro de 2002.

1. Obxecto: execución de gardería infantil en Bembibre-Val do Dubra.

2. Tipo de licitación: 300.500 euros.

3. Lugar e prazo de presentación de proposicións. De conformidade co establecido no artigo 80 do RCAP, para participar no concurso o licitador deberá presenta-las proposicións no Rexistro Xeral do Concello durante o prazo de 13 días naturais, contados desde o seguinte ó da última publicación no BOP ou DOG. Se o último día natural cadrase en sábado, o prazo trasladarase ó seguinte día hábil. Tamén poderán envia-los sobres segundo o disposto no artigo 80.4º do RCAP, coidando que tanto no exterior de cada sobre coma nos documentos que se inclúan no seu interior figure a data de imposición, de acordo co establecido no artigo 205 do Regulamento de servicios de correos aprobado polo Decreto 1653/1964, do 14 de maio, modificado no punto 3º polo Decreto 2655/1985, do 27 de decembro. Se se envían por correo, o licitador deberá anunciarlle ó órgano de contratación o mesmo día da imposición, mediante télex, telegrama ou fax, o envío dos sobres.

Así mesmo, expóñense ó público para os efectos de reclamacións polo prazo de oito días o prego de cláusulas administrativas e o proxecto.

O prego de condicións, lugar, día e hora en que terá lugar o acto de apertura, o modelo de proposición, o extracto do prego de condicións así como a fianza provisional e definitiva que se vai constituír estarán á disposición dos futuros propoñentes na Secretaría da Corporación.

Val do Dubra, 4 de outubro de 2002.

Juan Manuel Baleato Iglesias

Alcalde

FUNDACIÓN PÚBLICA ESCOLA GALEGA DE ADMINISTRACIÓN

SANITARIA