De conformidade co previsto na base 3.5 do Acordo do 31 de maio de 2002 polo que se convoca proceso selectivo para a cobertura por persoal laboral fixo de 4 postos de traballo do cadro de persoal da Fundación Pública Escola Galega de Administración Sanitaria (FEGAS), anúnciase que a primeira proba eliminatoria do dito proceso terá lugar o vindeiro día 29 de outubro de 2002, ás 16.30 horas, no Palacio de Congresos, sito en San Lázaro, s/n, Santiago de Compostela.

Os aspirantes admitidos ó dito proceso selectivo terán que acudir provistos do documento nacional de identidade e de bolígrafo. O chamamento é único, polo que quedarán excluídos do proceso os aspirantes que non comparezan.

Santiago de Compostela, 25 de setembro de 2002.

Javier Bouzada Romero

Presidente da comisión de selección