Aprobado na sesión plenaria do día 5 de xullo de 2002, con carácter definitivo a modificación puntual do Plan Xeral de Ordenación Municipal de Ares, consistente na nova redacción ó artigo 62 do PXOM no seu punto 2 así como ampliación do ámbito de

delimitación do solo rústico común apto para urbanizar no contorno do núcleo de Redes, logo do informe preceptivo e vinculante emitido en sentido favorable polo conselleiro de Política Territorial, Obras Públicas e Vivenda do 13 de xullo de 2002, de conformidade co disposto no artigo 48, parágrafo 2 da Lei 1/1997, do 24 de marzo, do solo de Galicia en relación co 70.2º da Lei 7/1985, do 2 de abril, reguladora das bases de réxime local, na redacción dada pola Lei 39/1994, do 30 de decembro, procédese á publicación do dito acordo de aprobación de modificación puntual.

Contra o presente acordo poderase interpor recurso contencioso-administrativo no prazo de dous meses contados desde o día seguinte ó da presente notificación (artigo 46 da Lei 29/1988, do 13 de xullo, reguladora da xurisdicción contencioso-administrativa) perante o Xulgado do Contencioso-Administrativo de Ferrol ou diante do Tribunal Superior de Xustiza de Galicia, Sala do Contencioso-Administrativo, advertíndose que tamén se poderá utilizar calquera outro recurso que se estime pertinente e exerce-las accións que procedan perante a xurisdicción competente.

Ares, 3 de setembro de 2002.

José Manuel Cendán Fernández

Alcalde